اسرائیل لیک وزیر فلسطینده باله لرنینگ اوستی گه بمب تشلش کیره ک، دیدی

اسرائیل معارف وزیری نفتالی بنّت، حربی اوچاقلرنینگ بمبلرنی غزه ده گی باله لرنینگ اوستی گه آتیشینی طلب ایتدی.

غزه ده آلیب باریلگن سونگی هجوملر مطرح بولگن اسرائیل خوفسیزلیک جلسه سیده گپیرگن معارف وزیری نفتالی بنّت،

"هیچ بیر قانونی ممانعت یوق،بمبلرنی نیمه اوچون اوستلریگه تشله مه ی یانلریگه تشله یسیزلر" دیب ایتگن.

اسرائیل قوراللی کوچلر قومندانی ایسه؛

"مین باله لر و یاشلرگه فیر قیلینیشینی تایید ایتمه یمن. بعضی بیر پیت باله لر و یاشلر بالون ویا اوچورغاچ اوچوره دیلر" دیدی.

قوراللی کوچلر باشلیغی معارف وزیری گه خطاباً

"سیز بمبلرنی بالون، آتش لی اوچورغاچ و اولرنی توزه تیله دیگن جایلرگه آتیلیشینی می ایته سی؟" دیب سوره گن.

بنّت، بونی تصدیق ایتیب؛

"اسرائیل اردوسی نینگ بونی قیلیشی کیره ک" دیدی.

قوراللی کوچلر قومندانی

"سیز بیلن بو موضوعده باشقه چه توشونه من. لیکن بو ایتگن گپلرینگیز ایش و اخلاقدن تشقری دیر" دیب جواب بیردی.