هندوستانده یوزلب کیشی جان بیردی

هندوستانده اوتگن آیدن بیری دوام ایتیب تورگن موسون یامغیرلری سبب سیل و توپراق کوچکیسی عاقبتیده 511 کیشی جان بیردی.

مرکز سوو کمیسونی تامانیدن بیریلگن راپورگه کوره، 1 – جونده باشلنگن و مملکت گه کتته تاثیر قالدیرگن موسون یامغیرلری باعث حاضرگچه 511 کیشی اولیب 176 نفر یره لنگن.

خوددی شو راپورگه کوره، 91 منطقه ده یوز بیرگن سیل و توپراق کوچکیسی عاقبتیده 55 مینگ اوی – جایگه زیان ییتیشگن و 1 میلیوندن آرتیق حیوان تلف بولیب کیتگن.

هندوستانده جاری ییل جریانیده سونگی 64 ییل نینگ اینگ قتتیق یاغیش حادثه سی نینگ یوز بیرگن لیگی بیلدیریلدی.