تشقی کوچلر ینگلیشیب بدخشان ولایتی نینگ ایریم منطقه لرینی بمباران قیلدی

بدخشان ولایتی یشاوچیلری و ولایت کینگشی نینگ ایریم اعضالری, تشقی کوچلر نینگ اوشبو ولایت نینگ ایریم منطقه لرینی بمباران قیلگن لیگی نی معلوم قیلدی. 

ایتیلیشیچه تشقی کوچلر توناوکون (پنجشنبه) کیچقرون بدخشان ولایتی امنیه قوماندانلیگی گه یقین بیر منطقه نی بمباران قیلگن. 

خوددی منه شوو حادثه نینگ هیچ قنده ی بیر تلفات گه سبب بولمه گن لیگی بیلدیریلدی. 

عینی دمده ولایت کینگشی نینگ ایریم اعضالری تشقی کوچلر نینگ اوشبو ولایت نینگ جرم, خستک و کشم اولسواللیک لریده هم ایریم منطقه لرنی بمباران قیلگن لیک لری نی معلوم قیلدی. 

بیراق, بدخشان والیسی احمد فیصل بیگزاد, تشقی کوچلر نینگ ینگلیشیب بونده ی بیر ایشنی قیلگن لیک لری نی بیلدیردی. 

بیگزاد, "توناوکون یوز بیرگن حادثه بیر ینگلیشدن عبارت ایدی.  اوشبو ینگلیش تشقی کوچلر نینگ اوزی تامانیدن هم قبول قیلیندی.  اولر پیلوت نینگ ینگلیشیب بمب نی شهر گه تشله گن لیگی نی قبول قیلدی.  بیز ایسه اولر نی بونده ی عملیات لر جریانیده احتیاط بولیشگه چقیردیک" دییه قید ایتدی.