آذربایجانده جمهور رئیس لیک سیلاوی بولیب اوته دی

آذربایجانده موجود جمهور باشلیغی الهام علی یف بیلن بیرگه لیکده 8 کاندید اورته سیده رقابت بولیب اوته دی. سیلنگن جمهور رئیس 7 ییل بوییچه اقتدارده قاله دی.

آذربایجان مرکزی سیلاو اداره سی، جمهور رئیس لیک سیلاوی اوچون آذربایجان و چیت ایلده توپلم 5 مینگ 641 صندوق قوییله دی.

چیت ایلده استقامت ایته دیگن آذربایجان وطنداشلری، حیات کیچیریب تورگن اولکه ده گی آذربایجان بویوک ایلچی لیکلریده قوریلگن صندوقلرده رای تشلشلری ممکن.

مذکور سیلاوده معیوب کیشی لرنینگ هم رای بیریش لری اوچون امکانیت یراتیلگن. خوددی شو انتخابات ایرته گه محلی وقت بیلن 08:00 ده باشلب آقشم ساعت 07:00 ده اوز نهایه سیگه ییتیب باره دی.