امریکا دولت باشلیغی بیلن شمالی کوریا دولت رهبری نینگ اوچره شووی بولیب اوته دی

امریکا قوشمه ایالتلری دولت باشلیغی ترامپ نینگ شمالی کوریانینگ رهبری کیم دن ییتیب کیلگن دعوت نی قبول قیلگن لیگی و ایککی رهبرنینگ می آیی نینگ آخریگچه اوچره شه جکلری بیلدیریلدی.

جنوبی کوریا ملی خوفسیزلیک مصلحتچیسی چنگ ایو-جونگ، امریکالیک اداره چیلر بیلن بولگن ملاقاتی نینگ آرتیدن آق اویده مطبوعاتگه کنفرانس بیردی.

چنگ، شمالی کوریا رهبری کیم جونگ – اون نینگ امریکا قوشمه ایالتلری دولت رهبری دونالد ترامپ گه یوبارگن پاکت و ایچیده قیسقه مدت جریانیده امریکالیک رهبر بیلن اوچره شیش دعوتی نینگ جای آلگن لیگیدن بحث قیلیب،

"ترامپ جنابلری اساسی بیر شکلده کوریا یریم آرالی نینگ نوکلردن تمیزلنیشی کبی مقصدیگه ایریشیش اوچون اینگ کیچ می آیی نینگ آخری گچه کیم جونگ – اون بیلن اوچره شه جگینی ایتدی" دیگن بیاناتنی بیردی.

چنگ، "کیم عین دمده شمالی کوریانینگ بوندن کیین هیچ بیر نوکلر ویا بالستیک راکت سینه مس لیگینی وعده بیردی. و امریکا قوشمه ایالتلری بیلن جنوبی کوریا اورته سیده گی عسکری تطبیقاتلرنینگ دوام ایترلیگینی اویله گنینی بیلدیردی"

جنوبی کوریالیک اداره چی عیندمده بو آدیملر بیلن ایککی اولکه اورته سیده صلح کیلتیرووچی بیر ییچیم تاپیلیشی امیدلری نینگ کوپه یگنینی اورغوله دی.

آق اوی سوزلاوچیسی سره سندرس هم، بیرگن یازمه بیاناتیده، ترامپ بیلن کیم نینگ اوچره شیشیدن خبر بیردی. سره اوچره شوو جایی و زمانی نینگ کیینراق تعین ایتیلیشینی ایتدی.

سندرس مذکور بیاناتیده، "شمالی کوره نینگ نوکلردن تمیزلنیشینی بی صبرانه کوتیب تورگن میز. او وقت گچه شمالی کوریانینگ اوستیده گی باسیم و چیکلاولرنینگ جدی بیر شکلده دوام ایتیشی کیره ک، دیدی.  

شمالی کوریا بیلن جنوبی کوریا اورته سیده گی مثبت فضا، شمالی کوریا رهبری کیم جونگ – اون نینگ ینگی ییلده گی صحبتیده "پجونگ چانگ2018 قیش اولمپیادلری" اوچون هیت جونتیشلری و بو توغریده سیئول بیلن اوچره شیش گه تیار ایکنلیکلرینی ایتیشی بیلن باشلنگن ایدی. پجونگ چانگ قیش المپیادلری نینگ 9- فبروریده گی افتتاحیه مراسمی گه شمالی کوریا رهبری کیم جونگ اون نینگ سینگلیسی کیم یو جونگ هم قتنشگن ایدی. اونینگ ئآرتیدن جنوبی کوریا دولت باشلیغی مون جه – این تامانیدن وظیفه بیریلگن خاص هیئت ایککی کونلیک سفر آرقه لی اوتکن کون شمال کوریا رهبری کیم جونگ – اون بیلن أوقات پروگرامی گه اوچره شگن ایدی.