کشمیرده حادثه لر یوز بیرماقده

جام جم کشمیر ایالتیده، هندو عسکرلر بیلن مقاومتچیلر اورته سیده یوز بیرگن حادثه لرده 6 مقاومتچی جان بیردی.

هندوستان کوچلری، جام جم کشمیرنینگ باره مولا تومنی گه باغلیغ اوری منطقه سیده مقاومتچیلرگه قرشی عملیات اویوشتیردی.

عملیاتده جان بیرگن مقاومتچیلرنینگ هجوم تیارگرلیگی کوره یاتگنلیکلری ادعا ایتیلدی.

جام جم کشمیرنینگ جنوبیده 31 دسامبرده اویوشتیریلگن هجومده 5 نفر هنوستانلیک عسکر بیلن 3 نفر مقاومتچی اولگن ایدی.

انگلستان، 1947 – ییلی هندستاندن چیقرکن، شهزاده لیک شکلده اداره سی بولگن جام جم کشمیرنی هندستان ویا پاکستان بیلن بیرلشیش توغریسیده اوز اختیاریگه قویگن ایدی.

نفوسی نینگ 90 فایزی مسلمان بولگن جام جم کشمیر شهزاده سی نینگ هندستان بیلن بیرلشیش تصمیمی گه مسلمان کشمیر خلقی مخالفت قیلگن ایدی.

مذکور منطقه گه عسکر سوق ایتگن هندوستان بیلن پاکستان، 1947 – ییلی ایلک بار اوروشگن و 1965 و 1999 ده تکرار اوروشگن ایدیلر.

کشمیرنینگ 45 فایزی گه هندوستان، 35 فایزی گه پاکستان و 20 فایزی گه ایسه چین حاکم دیر.

بیرلشگن ملتلر خوفسیزلیک شوراسی، 1948 – ییلی کشمیرنینگ عسکرلردن تمیزلنیشینی و کیلجگینی خلق رای گیرلیگی بیلن تعیین ایتیلیشینی ریجه له گن ایدی.

هندستان، پاکستان تامانیدن خاص حالت بیلن اداره قیلگن "آزاد کشمیر" نی هم اوز توپراغی قبول قیلماقده. اسلام آباد اداره سی ایسه بیرلشگن ملتلر تشکیلاتی خوفسیزلیک شوراسی قرارلری نینگ عملی بولیشینی خواهله یدی.