پوتین افغانستانده وضعیت نینگ یامانلَشگنی نی بیلدیردی

روسیه دولت رهبری ولادیمیر پوتین, افغانستانده گی وضعیت نینگ امریکا قوشمه ایالتلری حربی لری سانی نینگ کمیتیریلیشی آرتیدن یامانلَشگن لیگینی ایسله تیب اوتدی. 

پوتین, "افغانستان دن سالینیاتگن ترورچیلیک خواطری گه قره گنده وضعیت یامانلشدی.  حقیقت دن هم یامانلَشیش گه دوام ایتماقده.  لیکن او ییرده امریکا قوشمه ایالتلری حربی لری بولمَگَنده وضعیت بوندن هم یامانراق بولر ایدی" دییه قید ایتدی. 

روسیه دولت رهبری, اوز سوز لری نی, "بیز بیلن امریکا آره سیده گی مناسبت لر بوییچه ایریم قیین چیلیک لرنینگ موجود بولیشی گه قره مسدن, اوشبو خصوصده صمیمی بولیش کیره ک" شکلیده دوام ایتتیردی.

بیر نیچه کون آلدین روسیه, افغانستان بیلن تاجکستان چیگره سی گه آغیر حربی قوراللر و زرهی واسطه لر جایلشتیرگن ایدی. 

روسیه نینگ اساسی هدفی نینگ ترورچی گروه لرنینگ اورته آسیا گه اوتیش لریگه مانع بولیش دن عبارت ایکن لیگی بیلدیریلماقده. 

روسیه مدافعه وزیرلیگیدن جنرال الکساندر کشیموفسکی تاجکستان چیگره کوچ لری نینگ حمایه ایتیلیشی اوچون اوشبو حربی امکانیت لر نی جایلشتیرگن لیک لری نی بیلدیرگن ایدی. 

جنرال کشیموفسکی اوشبو حربی امکانیت لرنینگ ترورچی لر گه قرشی کوره ش بوییچه تاجکستان چیگره کوچلری نینگ کوچی نی آرتیره دیگن لیگی نی معلوم قیلگن ایدی. 

روسیه افغانستان نینگ شمالیده ترور تشکیلاتی داعش نینگ فعالیت لری بوییچه خواطر بیلدیریب کیلماقده. 

سونگگی پیتلرده, عراق و سوریه ده اویوشتیریلگن عملیات لر نتیجه سیده قاچگن ایریم داعش ترورچی لری نینگ افغانستان گه کیلگن لیک لری بیلدیریلماقده.