یونانده ملی ماتم اعلان قیلیندی

یونان نینگ پایتختی آتن نینگ یقینلریده روی بیرگن سیل فلاکتیده قربانلر سانی 15 کیشیگه ییتدی.

طبيعي آفت طفیلی کوپلب انسان بی ‌درَک یوقالگن مملکتده باش وزیر الیکسیس چیپراس ملي ماتم اعلان قیلینگنینی معلوم قیلدی.

ساغلیقنی سقلش وزیرلیگی ملي اوپراسیون‌ مرکزی معلوماتیگه کوره‌، تناون‌ پایتخت آتن غربیده‌ گی ایلیفسینه تومنیده ایرته ‌لبدن باشلنگن کوچلی یاغین عاقبتیده سیل و سوو تاشقینلری یوز بیرگن. فلاکت عاقبتیده کمیده 15 کیشی هلاک بولگن، بولردن 5 نفری عیال ایکنی ایتیلماقده.

تیگیشلی وکیللر قربانلر سانی نینگ آرتیشیدن خواطرده.

الیکسیس چیپراس هلاک بولگنلر خاطره‌سی اوچون مملکتده ملي ماتم اعلان قیلینگنینی معلوم قیلدی.

سیلده‌ن جدّي ضرر کورگن مندره، نیا-پیره‌موس و میگره تومنلریده فوق العاده‌ حالت اعلان قیلیندی.

هلاک بولگنلرنینگ عایله‌ لریگه چوقور تعزیه‌ بیلدیرگن چیپراس: «یونان، باشیدن آغیر دَملرنی اوتکزماقده. بیز اولکن طبيعي آفتنی باشدن کچیرماقده‌میز. برچه‌ هلاک بولگنلر نینگ عایله‌لریگه صمیمي همدردلیگیمنی بیلدیره‌من»،دیدی.

چیپراس باش ‌پناه ‌سیز قالگنلرگه دولت بنالری، حربي دَم آلیش مؤسسه ‌لری و مهمانخانه‌ لرنینگ ایشیکلری آچیق ایکنلیگینی تیلگه آلدی.

مملکتده ملي ماتم اعلان قیلینگنی طفیلی پارلمان نینگ بوگونگی مجلسی کنسل قیلیندی.