قزاقستانده ینگی الفبا بیلن بیرینچی روزنامه نشر بولیب چیقدی
کیریل اساسیدهگی قزاق الفباسیدن لاتین اساسیدهگی قزاق الفباسیگه اوتیشگه قرار قبول قیلگن قزاقستانده، ینگی الفباده روزنامه چاپ ایتیلدی.
مملکت نینگ «کزینفارم» خبر آژانسی ترقه تگن معلوماتگه کوره قوستن آی ولایتیدهگی «ارقهلیک خبری» روزنامهسی نینگ بیرینچی صحیفهسی ینگی لاتین الفباسیده تیارلهگن.
روزنامه نینگ باش مدیری قَیرات ایسمهاگمبیت اوف قزاقستان جمهوریتی جمهور رئیسی نورسلطان نظربای یف نینگ اوتگن هفته قول قویگن لاتین الفباسیگه اوتیش حقیدهگی قرارنامسینی ایسله تگن حالده،
«شو نینگ اوچون سینب کوریش مقصدیده روزنامه نینگ بیرینچی صحیفه سینی لاتین الفباسیده تیارلش حقیده قرار قبول قیلدیک» دیدی.
بوندن مقصد «فایدهلنیش جهتیدن ینگی لاتین الفباسی نینگ قنچهلیک قولهی» ایکنلیگی حقیده کتابخوانلر فکریگه قیزیقیش ایکنلیگینی ایسلهتگن باش مدیر، لاتین الفباسیگه اوتیش نینگ اصلیده مغلق ایمسلیگینی، «ارقهلیک خبری» روزنامهسی نینگ لاتین اساسیدهگی ینگی قزاق الفباسیدن بیرینچیلردن بولیب فایدهلنگن روزنامه بولیب قالیشنی هم کوزلهگنلیکلرینی اوز سوزیگه علاوه ایتدی.
شونگه کوره 2018-ییلگی تعلیم و تربیه ساحه سیده لاتین الفباسیگه اوتیشنی باشلب، بو جریان نینگ 2025-ییلی یکونلنیشی ریجه لشتیریلگن. اقتصادي جهتدن الفبا نینگ اوزگرتیریلیشی اوچون 600 میلیون تینگه یعنی تخمیناً 1 میلیون 800 مینگ دالر کبی مبلغ اجره تیلگن.
علاقه لی ینگی لیکلر
مکسیکوده ینه بیر سیاستچی آتیب اولدیریلدی
بیر بلدیه باشلیغی کاندیدی سیلاو کمپاینی جریانیده آتیب اولدیریلدی