شمالی کوریا، جاپان گه اخطار بیردی

شمالی کوریا، جاپاننی اولکه سیگه قره ته باسیم لرنی دوام ایتگن تقدیرده "نوکلر بولوت" یوباریش بیلن تهدید ایتدی.

شمالی کوریا رسمی خبر آژانسی KCNA دن بیریلگن خبرده، "جاپان نینگ شمالی کوریاگه باسیم عملی قیلیشی، کوریا یریم آرالیده بحران یراتیشی، جاپان آراللریگه نوکلر بولوتلرنی کیلتیرووچی انتحار دیر. هیچ کیم وضعیت نی قچان بیر نوکلر اوروش گه اینلیشینی بیلمه یدی. لیکن نوکلر اوروش باشله گنده، بو جاپان جاپان آراللریده پارتلب کیته دی" دیدی.

جاپان باش وزیری شینزو ابی اوتگن آی بیرلشگن ملتلر تشکیلاتی عمومی کینگشیده قیلگن نطقیده خلق ارا جمعیت دن پیونگ یانگ گه قره ته باسیم نینگ آرتتیریشینی سوره گن ایدی.

ابی؛

شمالی کوریانینگ برچه نوکلر و بالستیک راکت پروگرامینی تماماً برطرف قیلیشی گه باعث بولیشیمیز کیره ک. ملاقات گه ضرورت یوق، باسیم عملی قیلیش کیره ک دیب، ایتگن ایدی.

کوریا یریم آرالیده گی وضعیت، شمالی کوریانینگ بیر قطار نوکلر و بالستیک راکت سینشی نینگ آرتیدن قیزیشیب کیتگن ایدی.

شمالی کوریا 15 سپتمبرده بیر بالستیک راکت سینر ایکن، مذکور راکت جاپان نینگ اوستیدن اوتیب بویوک اقیانوس گه باریب توشگن ایدی.  

بیرلشگن ملتلر خوفسیزلیک کینگشی 11 سپتمبرده شمالی کوریاگه قره ته اینگ قتتیق چیکلاو پاکتینی اعلان قیلگن ایدی.

بیرلشگن ملتلر تشکیلاتی 2375 – لایحه سی پیونگ یانگ گه نفت صادر قیلیش گه محدودیت کیلتیریب، شمالی کوریانینگ نساجی محصولاتینی وارد قیلیشنی منع قیلیب قویگن ایدی.