افغانستان دنیا نینگ اینگ ناتینچ ایککینچی اولکه سی

میلادی 2017 نچی ییلیده افغانستان سوریه آرتیدن دنیا نینگ اینگ ناتینچ اولکه سی اوله راق  قبول قیلیندی.
اقتصاد و تینچ لیک موسسه سی نینگ ییل لیک راپوری گه کوره, میلادی 2017 نچی ییلیده دنیا نینگ اینگ ناتینچ اولکه لری لستیده سوریه بیرینچی اورین نی ایگللرایکن, افغانستان ایسه ایککینچی اورین نی ایگلله دی.  
اوشبو لستده افغانستان آرتیدن ایسه عراق, جنوبی سودان و یمن اورین آلدی.  
خودی منه شوو لستده, میلادی 2008 نچی ییلیدن بیری آیسلند دنیا نینگ اینگ تینچ اولکه سی اوله راق قبول قیلینیب کیلماقده.  
نیوزیلند, پرتگال و دنمارک آیسلند آرتیدن دنیا نینگ اینگ تینچ اولکه سی اوله راق لستده اورین آلماقده.  
اولکه لرنینگ تینچ لیک میزانی نینگ اولچه لیشی بوییچه 8 رُکن گه اهمیت بیریلماقده.  
اوشبو رکن لر, اولکه ده گی یخشی حاکمیت, ایش امکانیت لری, موجود منبع لرنینگ عادلانه بیر شکلده ترقه تیلیشی, باشقه لرنینگ حق لری نی قبول قیلیش, قوشنی لر بیلن یخشی علاقه لر قوریش, سوز ایرکین لیگی, یوقاری تحصیل درجه سی و اداری فساد میزانی نینگ کملیگی دن عبارت.