امریکا نینگ افغانستان دن کاملاً چیقیشی ممکن

امریکا قوشمه ایالتلری مدافعه وزیری جیمز ماتیس توناوون (دوشنبه) بیرگن بیاناتلریده, اولکه سی نینگ افغانستان بوییچه ینگی ستراتیژی سی دایره سیده برچه پلان لرنینگ بحث موضوعی ایکن لیگی نی بیلدیررایکن, امریکا نینگ افغانستان دن کاملاً چیقیشی نینگ هم ممکن ایکن لیگی نی معلوم قیلدی.

عینی دمده ماتیس, دونالد ترامپ رهبریتی نینگ جوده یقین بیر کیله جکده افغانستان بیلن علاقه لی ینگی ستراتیژی سی نی معلوم قیله دیگن لیگی نی بیلدیردی. 

بوندن تشقری ماتیس, ترامپ رهبریتی نینگ افغانستان ستراتیژی سی بوییچه پلانیده امنیت نینگ خصوصی امنیتی سکتور گه تاپشیریلیشی پلانی نینگ هم موجود ایکن لیگی نی ایسله تیب اوتدی. 

ماتیس, افغانستان گه ینه 3 مینگ الی 4 مینگ امریکا لیک حربی لرنینگ یوباریلیشی نینگ بحث موضوعی ایکن لیگی نی بیلدیررایکن, بیراق, ترامپ رهبریتی نینگ حاضرچه افغانستان ستراتیژی سی بوییچه انیق بیر تصمیم آلمه گن لیگی نی معلوم قیلدی.

آق اویده هم امریکا قوشمه ایالت لری نینگ افغانستان بوییچه ینگی ستراتیژی سی توغری سیده فکر ایریلیق لری نینگ موجود ایکن لیگی کورینماقده.    

شونده ی قیلیب امریکا قوشمه ایالت لری ملی امنیت مشاوری مک ماستر افغانستان گه ینه ده کوپراق امریکا لیک حربی لرنینگ یوباریلیشی کیره ک ایکن لیگی نی بیلدیررایکن, ترامپ نینگ ستراتیژیست لریدن بیری بولگن ستیف بانون ایسه اوشبو موضوع گه مخالفت بیلدیرماقده.