دونالد ترامپ افغانستان بوییچه سیاست لری نی اوزگرتماقده

امریکا قوشمه ایالت لری دولت رهبری دونالد ترامپ, افغانستان بوییچه سیاست لری گه ایریم اوزگریش لر کریتماقده. 

اوشبو دایره ده اوتگن هفته ده امریکا استخبارات اداره سی (سی آی ای) نینگ باشلیغی مایک پومپیو افغانستان گه سفر قیلدی.

افغانستان ملی بیرلیک حکومتی نینگ اجرائیه رئیسی عبدالله عبدالله وزیر لر کینگشیده قیلگن صحبتی جریانیده, اوشبو سفری دایره سیده پومپیو نینگ افغانستان جمهوررئیسی محمد اشرف غنی و اوزی بیلن ملاقات قیلگن لیگی نی بیلدیردی.

عبدالله, جزئیاتی حقیده بحث ایتمه گن حالده, اوشبو ملاقات جریانیده پومپیو نینگ خودی منه شوو سیاست اوزگریشی باره سیده بحث ایتگن لیگی نی معلوم قیلدی.

سونگگی پیتلرده, امریکا قوشمه ایالتلری ملی خوف سیزلیک مشاوری مک ماستر هم دولت رهبری دونالد ترامپ نینگ افغانستان خصوصیده ایریم تصمیم لر آلگن لیگی نی بیلدیرگن ایدی. 

عینی دمده مک ماستر, ترامپ نینگ, پاکستان نینگ جنگری لر نی حمایه ایتیش پالیسی سی گه ایریم اوزگریش لر کریتیشی نی طلب ایتیتگن لیگی نی هم معلوم قیلدی.