امریکا ده افغانستان اوچون اجره تیلگن بودیجه رد ایتیلدی

امریکا قوشمه ایالت لری پارلمانی, افغانستانده ملی اردوسی یونیفورمی اوچون اجره تیلگن بودیجه نی رد ایتدی. 

خودی منه شوو بودیجه نینگ افغانستان مدافعه وزیرلیگی ده گی اداری فساد سببلی رد ایتیلگن لیگی قید ایتیلدی. 

پارلمان اعضا لری اوشبو عملی نینگ اداره فساد گه قرشی کوره ش دن عبارت ایکن لیگی نی معلوم قیلدی. 

شونده ی قیلیب خودی منه شوو بودیجه نینگ رد ایتیلگن لیگی سببلی امریکا قوشمه ایالت لری میلادی 2018 نچی ییلی اوچون افغانستان اردوسی یونیفورمی نی ساتیب آلیش امکانیتی گه ایگه بولمَیدی. 

پارلمان اعضا لری دن بیری بولگن والتر جونزف, "اوزاق بیر مدت دن بیری امریکا تبعه لری نینگ مالیه لری نی افغانستان گه یوباریب هدر قیلماقده میز.  ایندی بو قیلگن ایشی میز آزگینه هم بولسه یخشی ایش بولدی" دییه قید ایتدی. 

افغانستان مدافعه وزیرلیگی مسئول لری ایسه, اوشبو قیین چیلیک نی امریکا لیک مقام لر بیلن صحبت ایتیب ییچه دیگن لیک لری نی بیلدیردی. 

بیر مدت آلدین امریکا لیک مسئول لر دن بیری امریکا قوشمه ایالت لری مدافعه وزیرلیگی "پنتاگون" نینگ, میلادی 2008 نچی ییلی دن باشلب میلادی 2017 نچی ییلی جنوری آیی گه قدر افغانستان اردوسی یونیفورنی نینگ ساتیب آلینیشی اوچون قریب 94 میلیون دالر مصرف قیلگن لیگی نی بیلدیرگن ایدی.