ترکیه باش وزیری ییلدیریم عراق باش وزیری و اروپا کینگشی باش سکرتری بیلن اوچره شدی

باش وزیرلیک منبع لریدن آلینگن معلوملاتگه کوره‌ ییلدیریم، موصل نینگ داعش ترور تشکیلاتیدن قوتقریلیشی دایره ‌سیده عراق حکومتینی تبریکلب ترکيه‌ نینگ، تاریخي شهرنی قَیته تیکلش گه تیار ایکن لیکلرینی قید ایتدی.

باش وزیر بن علی ییلدیریم ملاقاتده، یقین اطرافده ‌گی معمانی حل قیلیش مقصدیده ترورگه قرشی کوره ‌ش مسئله ‌سیده ترکيه - عراق همکارلیگینی دوام ایتتیریشده قرارلی ایکن لیکلرینی تأکید له ‌دی. 

عراق باش وزیری حیدر العبادی ایسه ترکيه بیلن فقط ‌گینه ترورگه قرشی کوره‌ ش مسئله ‌سیده ایمس، هر ترماقده همکارلیک قیلیشگه تیار ایکن لیکلرینی افاده‌ ایتدی.

باش وزیر بن علی ییلدیریم اروپا کینگشی باش سکرتری جگلند بیلن هم تیلفون آرقه ‌لی ملاقات قیلر ایکن اونده، اروپا کینگشی بیلن یقین همکارلیگینی دوام ایتتیریشده قرارلی ایکن لیکلرینی قید ایتدی.

ییلدیریم، اروپا کینگشی نینگ تکلیفلری چوکاتیده عملگه آشیریلگن ترتیب - قاعده‌ لرگه اعتبار بیریلیشینی و فتح الله چی ترور تشکیلاتی نینگ اوتگن ییل ده گی تونتریش تشبثی آرتیدن باشله ‌گن جریانده ترکيه‌ نی ینه- ده‌ توشینیشلرینی کوتگن لیکلرینی بیلدیردی.

باش سکرتر جگلند ایسه، 15- جولای واقعه‌ سی نینگ بیرینچی ییل لیگی اوتگچ ترکيه بیلن بیردملیک ایچیده ایکن لیکلرینی تأکید له ‌گن حالده، ملاقات و همکارلیگی نینگ دوام ایتتیریلیشی گه کتّه‌ اهمیت بیرگنلیکلرینی قید ایتدی.