بیرلشگن ملتلر تشکیلاتی عمومی منشی سی کابل گه تشریف بویوردی

بیرلشگن ملت لر تشکیلاتی عمومی منشی سی انتونیو گوترش کوتیلمه گن بیر سفر بیلن کابل گه تشریف بویوردی. 

اونینگ افغانستانده یوقاری مرتبه لی مقام لر بیلن ملاقات قیلیشی کوتیلماقده. 

بیرلشگن ملتلر تشکیلاتی نینگ کابلده گی بولیمی دن عبارت یوناما تامانیدن بیریلگن بیاناتده گوترش نینگ بوگون ایرته لب (جوزا آیی نینگ 24 نچی کونی) کابل گه تشریف بویورگن لیگی بیلدیریلدی. 

خودی منه شوو منبع گوترش نینگ جمهوررئیسی محمد اشرف غنی, حکومت نینگ اجرائی رئیسی عبدالله عبدالله و باشقه مسئول لر بیلن ملاقات قیله دیگن لیگی نی معلوم قیلدی. 

عینی دمده یوناما, گوترش نینگ ایریم مسئله لر بوییچه مدنی جامعه نینگ بعضی نماینده لری بیلن هم صحبت ایته دیگن لیگی نی بیلدیردی.

گوترش نینگ اوزی ایسه, تویتر آرقه لی بیرگن بیانات لریده, خودی منه شوو حساس کون لرده افغانستان نی حمایه لیتگن لیک لری نی کورسه تیش اوچون کابل گه سفر قیلگن لیگی نی معلوم قیلدی.