قاچاق افغان مهاجر لرنینگ آلماندن چیقاریلیشی پروسه سی توخته تیلدی

آلمان دولتی اوشبو اولکه ده یشیتگن قاچاق افغان مهاجر لرنینگ چیقاریلیشی پروسه سی نینگ موقت بیر شکلده توخته تیلگن لیگی نی بیلدیردی. 

آلمان باش وزیری آنگلا مرکل چهارشنبه کونی افغانستان پایتختی کابلده یوز بیرگن و یوزلب نفر نینگ جان بیریشی و یره له نیشی گه سبب بولگن انفجار آرتیدن بیرگن بیانات لریده, افغانستانده گی موجود وضعیت نینگ قیته باشدن بهالنتیریلیشی کیره ک ایکن لیگی نی بیلدیردی. 

مرکل, شوباعث, آلمانده قاچاق یشیتگن افغان مهاجر لرنینگ چیقاریلیشی پروسه سی نینگ معطل قیلینگن لیگی نی معلوم قیلدی. 

عینی دمده, مرکل, وضعیت نینگ بهالنتیریلیشی آرتیدن اوشبو خصوصده تصمیم آله دیگن لیک لری نی ایسله تیب اوتدی. 

بیراق, مجرم بولگن یاکه آلمان نینگ امنیتی جهتی دن خطردن عبارت بولگن افغان قاچاق مهاجر لر نینگ چیقاریلیشی پروسه سی نینگ توختاوسیز روشده دوام ایته دیگن لیگی نی بیلدیردی.