فرانسه‌ده جمهور رئیس لیک سیلاوی نینگ نتیجه‌لری اعلان قیلیندی

فرانسه‌ده جمهور رئیس لیک سیلاوی نینگ نتیجه‌لری اعلان قیلیندی.

تناون کون‌ بولیب اوتگن جمهور رئیسلیک سیلاوی نینگ ایکّینچی باسقیچیده "آلغه‌" حرکتی اساسچیسی ایممنویل مکرون 66% رای آلدی.

رقیبی "مليتچی جبهه" حزب نینگ رهبری مرین لی پین ایسه، 34% آواز آلدی.

مغلوبیتنی قبول قیلگن لی پین ایممنویل مکرونگه قونغراق قیلیب غلبه‌سی بیلن تبریکله‌دی.

سیلاوده‌گی غلبه‌سیدن سونگ، خلق نینگ حضوریگه چیققن مکرون اونگه آواز بیرگن طرفدارلریگه منّتدارچیلیک بیلدیرر ایکن، بوتون فرانسه اوچون خدمت قیلیشگه وعده‌ بیردی.

او فرانسه‌نی تکرار بیرلشتیریشینی تیلگه آلیب، «بیزنی بولیشگه حرکت قیلگن نرسه‌لرگه قرشی کوره‌شه‌من»،-دیدی.

فرانسه تاریخیده ینگی صحیفه‌ آچیلگنینی ایتگن مکرون بوندن بویان فرانسه بیلن اروپانی قتّيق حمایه‌ قیلیشینی تأکیدله‌دی.

او تروریزمگه قرشی قتّيق کوره‌ش آلیب باریشینی تیلگه آلدی.

بوندن تشقری، مکرون اوز طرفدارلریگه منّتدارچیلیک بیلدیرر ایکن، فرانسه جمهور رئیسی فرانسوا اولندگه علیحده‌ منّتدارچیلیک بیلدیردی.

بیرینچی مرحله ده مغلوب بولگن کاندیدلرنینگ اکثریتینی قولگه کیریتگن 39 یاشده‌گی مکرون فرانسه‌ نینگ اینگ یاش جمهور رئیسی بولیش بختیگه میسر بولدی.

عینِ پیتده، مکرون بوگونگچه ملت وکیل لیک یاکه بلدیه رئیسی لوازملریده محنت قیلمسدن جمهور رئیس ایتیب سه‌یلنگن بیرینچی رهبر بولیب چیقدی.

سیلاو نینگ رسمي نتیجه‌لری 10 می کونی فرانسه اساسی قانون کینگشی تامانیدن اعلان قیلینه‌دی.

ینگی جمهور رئیس وظیفه نی 14 می کونیگه قدَر فرهانسوا اولانددن قبول قیلیب آلیشی کوتیلماقده.

فرا‌نسوا اولاند هم مکرونگه قونغیراق قیلیب، سیلاوده‌گی غلبه‌سی بیلن تبریکله‌دی.

«مکرون نینگ غلبه‌سی، فرانسیز خلقی نینگ جمهوریت‌ نینگ ارزشلری اساسیده بیرلشیش ایسته‌گینی، اروپا اتفاقیگه صادقلیگینی و دنیا بیلن هم‌جهت بولگن فرانسه آرزوسینی نمایان قیله‌دی»،-دییدی فره‌نسوه آللند.

باش وزیر بیرنارد کزنیاو یازمه روشده مکروننی تبریکلب، اونگه موفقیتلر تیله‌دی.

تشقی ایشلر وزیری جان-مارک آیرو: «ینگی جمهور رئیسنی تبریکله‌یمن. فرانسه و اروپا اوچون ایزگو تیلکلریمنی اظهار ایته‌من»،-دیدی.