افغانستان, روسیه نینگ طالبان نی مذاکره گه دعوت ایتیشی نی طلب ایتدی

روسیه اپریل آیی نینگ 14 نچی کونیده کوپلب اولکه لرنینگ اشتراکی بیلن مسکو ده بولیب اوته دیگن کنفرانس اوچون تیارگرلیک اوتکزماقده. 

اوشبو دایره ده افغانستان تشقی ایش لر وزیری نینگ اورینباسری حکمت خلیل کرزی, ترکیه نینگ انادولو آژانسی بیلن قیلگن مصاحبه سیده, روسیه داخل منطقه اولکه لریدن طالبان نی مذاکره گه دعوت ایتیش لری نی طلب ایته دیگن لیک لری نی بیلدیردی.

کرزی, مسکوده بولیب اوته دیگن کنفرانس گه افغان هیئتی نینگ باشلیغی صفتیده اشتراک ایته دی. 

مسکو کنفرانسی گه بیر امید بیلن اشتراک ایته دیگن لیگی نی بیلدیرگن کرزی, طالبان بیلن بوله دیگن هر قنده ی بیر مذاکره نینگ افغانستان نینگ اوز تامانیدن باشقریلیشی کیره ک ایکن لیگی نی معلوم قیلدی. 

کرزی, افغانستان تامانیدن باشقریلمیدیگن هر قنده ی بیر مذاکره نینگ موفقیت سیزلیک گه اوچره یدیگن لیگی نی ایسله تیب اوتدی. 

روسیه ایسه, طالبان بیلن همکارلیک قیلیتگن لیگی سببلی تنقید ایتیلماقده. بیراق روسیه, طالبان بیلن بولگن جزئی همکارلیگی نینگ تینچ لیک نینگ اورنه تیلیشی اوچون ایکن لیگی نی بیلدیرماقده. 

باشقه بیر تامانیدن ایسه, تحلیلچی لر روسیه نینگ باشقه ترور تشکیلات لری گه قرشی کوره ش آلیب باریش و ناتو نینگ افغانستانده گی تاثیری نی کمیتیریش اوچون طالبان بیلن همکارلیک ایتیتگن لیگی نی معلوم قیلماقده. 

کرزی, دولت بولمه گن بیر اکتوردن (طالبان) باشقه بیر گروه گه (داعش) قرشی استفاده ایتیلیشی نینگ اویغون بیر سیاست دن عبارت ایمس لیگی نی معلوم قیلرایکن, بونده ی بیر وضعیت نینگ قبول ایتیلیشی نینگ ممکن ایمس لیگی نی بیلدیردی. 

عینی دمده کرزی, افغانستان ده گی اوروش لرنینگ حربی یول لر بیلن توخته تیلیشی نینک ممکن ایمس لیگی سببلی, افغانستان دولتی نینگ طالبان بیلن مذاکره گه تیارایکن لیگی نی معلوم قیلدی.