برَد پیت آنجلینا جولی نینگ عشقی گه چیدیه آلمه دی

عیالی آنجلینا جولی دن اجره لیش اوچون تیارگرلیک اوتکزیتگن امریکا لیک تنیقلی سینما صنعتچی سی برد پیت عشق دردیگه چلینگن وضعیتده. 

آنجلینا جولی بیلن  پیدا بولگن اوشبو جنجالی آرتیدن پیت نینگ کونده 15 ساعت هیکل تراش لیک (مجسمه سازلیک) قیلیتگن لیگی بیلدیریلدی. 

پیت نینگ آنجلینا جولی عشقی سببلی انچه اَرریق (لاغر) بولیب قالگن لیگی کورینماقده.

ایریلیق پروسه سیده سپورت قیلیب باشله گن لیگی نی بیلدیرگن پیت نینگ یقین دوست لری, اونینگ ایندی غذا لری گه اهمیت بیریب باشله گن لیگی نی معلوم قیلدی. 

میلادی 1963 نچی ییلی دسامبر آیی نینگ 18 نچی کونیده امریکا قوشمه ایالتلریده دنیا گه کیلگن برَد پیت مشهور امریکا لیک سینما صنعتچیسی و فلم دایرکتری دن عبارت. 

پیت, میلادی 2014 نچی ییلیده ینه امریکا لیک تنیقلی سینما صنعتچی سیدن عبارت آنجلینا جولی بیلن اویلنگن ایدی. 

بیراق, میلادی 2016 نچی ییلی سپتامبر آییده آنجلینا جولی برَد پیت دن طلاق آلیش اوچون دعوی اقامه قیلدی.

برد پیت ایسه, اوشبو وضعیت سببلی جوده خفه بولگن لیگی نی بیلدیرگن ایدی.