شمالی کوریا بیلن مالیزیا آره سیده بحران یوز بیرگن

شمالی کوریا بیلن مالیزیا آره سیده بحران یوز بیرگن

شمالی کوریا رهبری کیم یونگ نینگ اوگه ی اکه سی نینگ مالیزیاده اولدیریلیشی نینگ آرتیدن ایککی اولکه آره سیده یوز بیرگن بحران دوام ایتماقده.

مالیزیا حکومتی نینگ شمالی کوریا بویوک ایلچیسینی "خواهلنمه گن کیشی" ایتیب اعلان قیلگن و اولکه نی ترک ایتیشینی سوره گن لیکن پیونگ یانگ اداره سی هم مالیزیا بویوک ایلچیسینی "خواهلنمه گن کیشی" ایتیب اعلان قیلدی.

خوهلنمه گن کیشی اعلان قیلینگن شمالی کوریا بویوک ایلچیسی کانگ چول مالیزیانی ترک ایتگن لیگی بیلدیریلدی.

بویوک ایلچی کانگ چول، کیم یونگ-نام نینگ اولدیریلیشی بیلن تیگیشلی مالیزیا حکومتی تامانیدن آلیب باریلگن تیکشیرووگه ایشانمه گن لیگینی بیان ایتگن ایدی.

مالیزیا نینگ شمالی کوریا بویوک ایلچیسی ایسه 20- فبروریده کوالالامپورگه چقیریلگن ایدی.

مالیزیا خوفسیزلیک کوچلری مدیری خالد ابوبکر مطبوعاتی کنفرانس ده، کیم یونگ-نام ترور ایتیلیشی بیلن علاقه لی 3 کیشی نینگ هلی گچه شمالی کوریا بویوک ایلچی لیگیده سقلنگن لیگینی بیلدیردی.

ابوبکر، شمالی کوریالیک اداره چیلرنینگ تیکشیرووده همکارلیک قیلمه گن لیکلرینی معلوم قیلدی.   

باشقه بیر تاماندن پیونگ یانگ اداره سی، شمالی کوریاده گی مالیزیا لیکلرنینگ اولکه دن چیقیشلری نینگ موقتی اوله راق توخته تیلگن لیگینی بیلدیردی.

مالیزیا باش وزیر اورین باسری هم کوالالامپورده گی شمالی کوریا بویوک ایلچی لیگی پرسونلی نینگ اولکه دن چیقیش لریگه اجازه بیریلمس لیگینی اعلان قیلدی.

شمالی کوریا دولت باشلیغی کیم یونگ-اون نینگ اوگه ی اکه سی کیم یونگ- نام، 13- فبروریده کوالالامپورده گی خلق ارا قونلغه سیده گاز بیلن اویوشتیریلگن هجوم باعث اولگن ایدی.

مالیزیا لیک اداره چیلر بو ترور حادثه سی بیلن تیگیشلی 7 نفر شمالی کوریالیک نی قیدیرماقده.