امریکا ده بیرته گینه حجابلی عیال هم استعفا قیلدی

آق اوی نینگ بیرته گینه حجابلی پرسونلی بولگن عیال هم استعفا قیلدی. 

امریکا قوشمه ایالتلریده میلادی 2011 نچی ییلیدن بیری آق اویده وظیفه اجرا قیلیتگن بنگلدیش لیک حجابلی عیال رومانا احمد, دولت رهبری دونالد ترامپ نینگ وظیفه سی نینگ بیرینچی هفته سیده 7 مسلمان اولکه گه ویزه نینگ ممنوع قیلینیشی بیلن علاقه لی آلگن قراری آرتیدن استعفا ایتگن لیگی نی بیلدیردی. 

امریکا ده باسیلیب چیقه دیگن اتلانتیک مجله سی گه بیر مقاله یازگن احمد, اوشبو مقاله سیده حجابلی مسلمان بیر کیشی نینگ آق اویده گی تجربه لری و استعفا سببلری نی توشینتریب بیردی. 

استعفاسی بیلن علاقه لی رومانا احمد, "ترامپ نینگ, نفوسی نینگ کوپچیلیگی مسلمان بولگن 7 اولکه تبعه لری و برچه سوریه لیک مهاجر لر نینگ امریکا گه کیلیش لری نی ممنوع قیلیب قویشی آرتیدن, مینی و مینگه اوخشش کیشی لرنی تهدید اوله راق بهالنتریتگن بیر رهبریت نینگ اقتدار گه کیلگن لیگی اوچون ایندی بو ییرده ایشله شیم نینگ ممکن ایمس لیگی نی بیلگن ایدیم" دییه قید ایتدی. 

احمد, میلادی 2017 نچی ییلی جنوری آیی نینگ 28 نچی کونیده استعفا قیلگن لیگی نی بیلدیردی. 

عایله سی نینگ میلادی 1978 نچی ییلیده بنگلدیش دن امریکا گه کیلگن لیگی و 12 یاشیدن بیری حجابلی ایکن لیگی نی بیلدیرگن احمد, امریکا قوشمه ایالتلری نینگ مهاجر لر اولکه سیدن عبارت ایکن لیگی نی بیلدیررایکن, موجود رهبریت نینگ اوشبو حقیقت گه ضد حرکت ایتیتگن لیگی نی معلوم قیلدی. 

میلادی 2011 نچی ییلیده آق اویده ایش گه کیریشی آرتیدن فرقلی ایشلر قیلگن و میلادی 2014 نچی ییلیدن بیری آق اوی ملی خوف سیزلیک چوکاتیده ایشلب کیلگن احمد, اینیقسه آلدینگی رهبریت نینگ امریکا لیک مسلمان جمعیت بیلن ارتباط لری بوییچه کتته رول گه ایگه بولگن لیگی نی بیلدیردی. 

اوباما رهبریتیده گی آق اویده معتدل بیر سیاست آلیب باریلگن لیگی نی بیلدیرگن احمد, ترامپ نینگ اوشبو وضعیت بوزیب قویگن لیگی نی معلوم قیلدی.