آلمان یوز مینگلب مهاجر نی هیده ب یوباره دی

 آلمان باش وزیری آنگلا مرکل, اینیقسه مهاجرلیک طلب لری رد ایتیلگن مهاجر لر نی زود لیک بیلن هیده ب یوباریش نی ریجه له ماقده. 

مرکل آلدین بیرگن بیانات لریده مهاجر لر بیلن علاقه لی یومشاق بیر سیاست آلیب باره دیگن لیگی نی بیلدیرگن ایدی.

عینی دمده مرکل اوروپا بیرلیگی اولکه لری و آلمان خلقی نینگ هم قتتیق تنقید لری گه قره مسدن, مهاجر لرنینگ آلمان گه کیلیش لری گه مانع بولمه گن ایدی.  یعنی چیگره دروازه لری نی یاپیب قویمه گن ایدی.

بیراق, ایندی ایسه آلمانده جاری ییلده بولیب اوته دیگن عمومی سیلاو یقین له شگن سری رقیبی مارتین شولتیز نینگ کوپراق رای آلیش احتمالی دن قورققگن  مرکل نینگ مهاجر لر بیلن علاقه لی ینه ده قتتیق راق بیر سیاست آلیب باره باشله گن لیگی کورینماقده. 

اوتگن ییلده هم 55 مینگ کیشی پول آلیب آلمان نی ترک ایترایکن, 26 مینگ مهاجر ایسه هیده ب یوباریلگن ایدی. 

آلمان حکومتی نینگ آلمان نی ترک ایته دیگن کیشی لر اوچون جاری ییلده 90 میلیون یورو بودیجه اجره تگن لیگی بیلدیریلرایکن, زود لیک بیلن آلماندن کیتیش گه قرار قیلگن مهاجر لر گه ینه ده کوپراق پول بیریله دیگن لیگی معلوم قیلیندی.