چین امریکا گه اخطار بیردی

چین دونالد ترامپ گه اخطار بیردی.  

امریکا قوشمه ایالت لریده جنوری آیی نینگ ۲۰ نچی کونیده جمهوررئیس لیگی وظیفه سی نی باراک اوباما دن تسلیم آله دیگن دونالد ترامپ نینگ کابینه سیده تشقی ایش لر وزیرلیگی اوچون کاندید قیلیب کورسه تیلگن ریکس تیلرسن, "چین نینگ, جنوبی چین دینگیزیده اورین آلگن ارال لر ده گی موجودیتی گه مانع بولینیشی کیره ک" دییه قید ایتگن ایدی. 

چین ایسه اوشبو سوز لر گه قرشی قتتیق بیر شکلده عکس العمل کورستدی. 

چینده باسیلیب چیقه دیگن اینگ مهم روزنامه لردن بیری بولگن گلوبال تایمز روزنامه سیده بیریلگن معلومات لر گه کوره, دونالد ترامپ و تیمی نینگ, وظیفه لری نینگ باشله شی آرتیدن بونده ی بیر پلان لری نینگ بار بولیشی تقدیرده, اوروش اوچون هم تیار بولیش لری کیره ک ایکن لیگی نینگ بیلدیریلگن لیگی معلوم قیلیندی.  

چین مسئول لری, امریکا قوشمه ایالتلری نینگ ینگی جمهوررئیسی اوله راق سیلنگن دونالد ترامپ نینگ, موجود حساسیت لر گه ضد بیر شکلده تایوان رهبری بیلن مستقیم بیر شکلده تلفن آرقه لی صحبت ایتگن لیگی نی هم قتتیق تنقید ایتگن ایدی.