ایتالیا باش وزیری استعفا ایتدی

ایتالیاده سنا مجلسی نینگ صلاحیت لری نینگ چیگره لنتیریلیشی بیلن علاقه لی اساسی قانون ریفورمی بولیب اوتگن ریفریندوم آرقه لی رد ایتیلدی.  

ایتالیا ده ثبت ایتیلگن قریب ۴۷ میلیون کیشی دن ۶۵ فایزی, اساسی قانون نینگ ۳ دن بیر قسمی نینگ اوزگرتیریلیشی بیلن علاقه لی ریفریندوم دایره سیده رای بیردی.  

اوشبو ریفریندم بیلن ایککی مجلس آرقه لی قانون چیلیک سیستمی آلیب باریلیتگن اولکه ده جدی اوزگریش لرنینگ کریتیلیشی هدف قیلیب آلینگن ایدی.  

قانون چیلیک ایش لری بوییچه قیین چیلیک لرنینگ ییچیله دیگن لیگی نی بیلدیرگن باش وزیر ماتیو رنزی, اوشبو ریفریندوم آرتیدن جدی بیر شکلده مغلوبیت گه اوچره دی.  

دولت تلویزیونی اوشبو ریفورم لر گه رد رایی نینگ ۵۴ الی ۵۸ فایز ایکن لیگی نی بیلدیردی.  

خودی منه شوو ریفورم بیلن علاقه لی مثبت رای میزانی نینگ ایسه ۴۲ الی ۴۶ فایز دن عبارت ایکن لیگی بیلدیریلدی. 

شونده ی قیلیب باش وزیر رنزی ترتیب له گن مطبوعاتی کنفرانسی جریانیده استعفا ایته دیگن لیگی نی بیلدیردی. 

رد رایی بیلن علاقه لی برچه مسئولیت لر نی اوز بوینی گه آلگن باش وزیر رنزی, "بوگون جمهوررئیسی گه استعفام نی تقدیم ایته من" دییه قید ایتدی. 

عینی دمده باش وزیر رد رایی بیرگن کیشی لرنینگ ایندی نیمه اوچون رد رایی بیرگن لیک لری نی بیلدیریش لری کیره ک ایکن لیگی نی معلوم قیلدی.