امریکا قوشمه ایالتلریده یوز بیرگن حادثه نی افغانستان لیک بیر کیشی عملگه آشیرگن

امریکا قوشمه ایالتلریده یوز بیرگن حادثه نی افغانستان لیک بیر کیشی عملگه آشیرگن

امریکا قوشمه ایالتلری نینگ فلوریده ایالتی نینگ اورلاندو شهریده یوز بیرگن تروریستیک حادثه نی افغانستان لیک عمر متین آتیده گی بیر کیشی نینگ عملگه آشیرگن لیگی معلوم قیلیندی. عین دمده خودی شو حادثه نینگ مسؤلیتینی تروریست گروهی داعش اوز بوینیگه آلگن. اوشبو حادثه نتیجه سیده 50 کیشی اولیب، 53 نفر یره لنگن ایکن، حادثه امریکا قوشمه ایالتلری نینگ تاریخیده اینگ قانلی حادثه اوله راق ثبت بولیب قالدی.

ترکیه اوشبو حادثه نی قتیق بیر شکلده محکوم ایتدی. ترکیه تشقی ایشلر وزیرلیگی تامان بیریلگن بیاناتده اورلاندوده یوز بیرگن تروریستیک حادثه نی محکوم ایتیب، امریکانینگ خلقی گه تسلیت بیلدیره میز، دیب ایتیلدی.

امریکا قوشمه ایالتلری مسلمانلری جماعت نماینده لری آرت – آرتیگه بیانات بیریب، حادثه نی محکوم ایتماقده دیرلر. مسلمانلر ترتیب لاوچی شوراسی تامان بیریلگن بیاناتده دین، رنگ و جنسی گه قره مه ی هجوم گه دوچ کیلگن ایریم کیشی و گروهلرنینگ یانیده میز، اوشبو خائینانه هجومنی محکوم ایته میز، دیب اورغوله گن. مذکور بیاناتده اسلام دینی نینگ بو کبی رادیکال حرکتلرگه اجازه بیرمه گن لیگی قید ایتیلگن. مسلمان جماعتی نماینده لری هر بیر کیشی نینگ شدت و تبعیض گه معروض قالمه ی یشش گه حقی بولگن لیگینی معلوم قیلدی.

امریکا قوشمه ایالتلریده بولیب اوته دیگن سیلاوده کاندید بولگن دونالد ترامپ سونگی تروریست حادثه سینی مسلمانلرگه قره ته فعالیتلریگه استفاده ایتیب،" مسلمانلرنینگ اولکه گه کیریشی منع ایتیلسین" دیدی. ترامپ اجتماعی ترماغ ارقه لی نشر قیلگن اوز پیامیده بارک اوباما "افراطی اسلام تروریزم" دیب بیان ایتر می عجب؟ بحث قیلمه گن تقدیرده استفا ایتیشی کیره ک، دیب یازگن.   

ترامپ نینگ اوشبو پیامی امریکا قوشمه ایالتلری مطبوعاتی تامان تنقید ایتیلدی. بعضی بیر مطبوعات ارگانلری ترامپ نینگ حادثه دن "استفاده" قیلگن لیگی بیلن عیبله ماقده.