فرانسه اعتصاب و مظاهره لر گه مانع بوله آلمه دی

فرانسه ده, اوروپا فوتبال قهرمان لیق مسابقه لری (یورو ۲۰۱۶) باشلرایکن, اوشبو اولکه ده ایش قانونی لایحه سی گه تیگیشلی اعتصاب لر و مظاهره لر هم دوام ایتماقده.

پایتخت پاریسده شهر دار لیک ایشچیلری جون آیی نینگ ۱۴ نچی کونی گه قدر اوز اعتصاب لری نی دوام ایتتیریش گه قرار بیردی. 

اوشبو ایشچی لر نینگ اعتصابی سببلی پایتخت نینگ کوپلپ جای لریده کثافات نینگ آلیب تشلنمه گن لیگی کورینماقده. 

ملی هوا یولی شرکتی دن عبارت ایر فرانس پیلوت لری نینگ اعضاسی بولگن صنفی اتحادیه تامانیدن بیریلگن بیاناتده, شنبه کونی باشله نه دیگن اعتصابدن واز کیچیلمه گن لیگی بیلدیریلدی. 

اوشبو اعتصاب نینگ کونده ۳۰ میلیون یورولیک بیر ضرری نینگ بولیشی کوتیلرایکن, مسابقه لر نی تماشا قیلیش اوچون فرانسه گه کیتیش نی ریجه لیتگن کیشی لرنینگ هم خودی منه شوو اعتصابدن منفی تاثیرله نه دیگن لیک لری تخمین ایتیلماقده.

پیلوت لرنینگ اعتصابی جون آیی نینگ ۱۴ نچی کونی گه قدر دوام ایته دی. 

عینی دمده ملی تیمیر یولی شرکتی ایشچی لری نینگ اعتصابی هم اولکه ایچی و تشقری سیده انسان لرنینگ سفر قیلیش لری گه منفی تاثیر قالدیرماقده. 

تیمیر یولی شرکتی ایشچی لری نینگ اعتصابی بیلن علاقه لی ضرر نینگ ۳۰۰ میلیون یورو دن عبارت بولگن لیگی تخمین ایتیلماقده. 

عینی دمده بلجیم بیلن فرانسه چیگره سیده گی رکم شهریده هم فرانسه لیکلر و بلجیم لیکلر اوشبو قانون لایحه سی گه قرشی ناراضی چیلیک نمایش لری اوتکزدی. 

یولنی یاپیپ قویگن اوشبو کیشی لر یولده کوتیب تورگن هیدوچی لر گه قانون لایحه سی بیلن علاقه لی بیلدیرو لر ترقتدیلر. 

اوشبو قانون نینگ قبول ایتیلیشی تقدیرده, فرانسه ده کونده ۱۰ ساعت بولگن ایش مدتی ۱۲ ساعت گه آرتیریله دی.  عینی دمده ایش کیلیشوویده ایریم اوزگریش لر طلب ایته دیگن کیشی لر ایشدن هیده له دی.