اعتصاب لر فرانسه نی کتته قیین چیلیک لر گه دوچ قیلیب قویگن وضعیتده

فرانسه لیک وزیر اعتصاب نینگ معطل قیلینیشی نی طلب ایتدی. 

فرانسه ترانسپورت وزیری آله ویدالی, اولکه سی نینگ میزبان لیق ایته دیگن اوروپا فوتبال قهرمان لیق مسابقه لری آلدی دن پیلوت لر نینگ جون آیی نینگ ۱۱ نچی و ۱۴ نچی کون لری آره سیده قیله دیگن اعتصابی نی معطل قیلیش لری نی طلب قیلدی. 

ویدالی, سونگگی ایککی آیدن بیری باسقیچ مه باسقیچ اعتصاب ایتیتگن تیمیر یولی ایشچی لری نینگ ایسه اعتصاب لری نی اداغگه ییتیشتیریش لری کیره ک ایکن لیگی نی بیلدیردی. 

بونده ی مهم کون لر ده ترانسپورت بوییچه پرسونل نینگ اعتصاب ایتیش لری نینگ جوده هم کتته منفی تاثیری نینگ بوله دیگن لیگی نی بیلدیرگن ویدالی, "فرانسه مهم بیر مسابقه گه میزبان لیق ایته دی.  اوروپا فوتبال قهرمان لیق مسابقه لری دنیا نینگ اوچینچی اینگ کتته فعالیتی دن عبارت. همه نینگ اوشبو فعالیت نینگ موفقیتلی بیر شکلده بولیب اوتیشی اوچون سعی و حرکت ایتیشی کیره ک" دییه قید ایتدی.

میلادی ۲۰۱۶ نچی ییلی جون آیی نینگ ۱۰ نچی و جولای آیی نینگ ۱۰ نچی کون لری آره سیده اوروپا فوتبال قهرمان لیق مسابقه لری نینگ بولیب اوته دیگن لیگی سببلی فرانسه گه قریب ۲,۵ میلیون مهمان نینگ کیلیشی کوتیلماقده. 

فرانسه نی اینگ کتته اعتصاب قیین چیلیگی گه دوچ قیلیب قویگن ینگی ایش قانونی لایحه سی, مارچ آییدن بیری کون ترتیبی ده اورین آلیب کیلگن اینگ مهم موضوع لردن بیری نی تشکیل ایتیب کیلماقده. 

پارلمان گه تقدیم ایتیلگن کوندن بیری صنفی اتحادیه لر بیلن حکومت آره سیده کتته جنجال لر گه سبب بولیب کیتگن اوشبو قانون لایحه سی, سونگگی ایککی هفته ده فرانسه ده قریب حیات نینگ بوتونلی فلج بولیب قالیشی گه سبب بولگن وضعیتده. 

اوشبو قانون لایحه سی نینگ قانون اوله راق قبول ایتیلیشی تقدیرده, کونده ۱۰ ساعت دن عبارت بولگن ایش ساعتی ۱۲ ساعت گه کوتریله دی.

شونده ی قیلیب ایش شرطنامه سیده اوزگریش لر طلب ایتیتگن ایشچی لر ایشدن هیده لر ایکن, کوپ ایش قیله دیگن کیشی لر گه بیریله دیگن پول مقداری هم کمیتیریله دی. 

صنفی اتحادیه لر و ایشچی تشکیلات لر, حکومت نینگ اوشبو قانون لایحه سیدن واز کیچیشی کیره ک ایکن لیگی نی بیلدیررایکن, بونده ی بولمس لیگی تقدیرده, آرقه گه قدم تشله میدیگن لیک لری نی بیلدیرماقده. 

اوشبو قانون لایحه سی جون آیی نینگ ۸ نچی کونیده سنا مجلسی گه تقدیم ایتیله دی. 

صنفی اتحادیه لر ایسه اوشبو تاریخ گه قدر حکومت گه باسیم قیلیش نی ریجه له ماقده.