آسترالیا ده زیکا ویروسی واقعه سی کوریندی

زیکا ویروسی آسترالیا گه هم ییتیب باردی.

آسترالیا نینگ ویکتوریا ایالتیده, حامله بیر عیال کیشیده زیکا ویروسی کوریندی.

ویکتوریا ایالتی ساغلیق نی سقلش وزیری جیل هینیسی, ترتیب له گن مطبوعاتی کنفرانسی جریانیده, تب و قیچیمه مشکلی بیلن کسلخانه گه کیلگن اوشبو عیال کیشیده زیکا ویروسی نینگ کورینگن لیگی نی معلوم قیلدی.

هینیسی, جاری ییلده منطقه ده ایککینچی مراتبه زیکا ویروسی واقعه سی نینگ کورینگن لیگی نی بیلدیررایکن, انسان لرنینگ ساغلیغی جهتیدن اوشبو وضعیت نینگ بیر ریسکدن عبارت ایمس لیگی نی ایسله تیب اوتدی.

آسترالیا ده, زیکا ویروسی نینگ موجود بولگن اولکه لر دن قیتیب کیله دیگن کیشی لرنینگ کنترول ایتیلیشی کیره ک ایکن لیگی بیلدیریلماقده.

آسترالیا ده حاضرگی کون گه قدر ۱۶ زیکا ویروسی واقعه سی نینگ کورینگن لیگی معلوم قیلیندی.

زیکا ویروسی نینگ حامله عیال لر ده موجود بولیشی تقدیرده, توغیله دیگن چقه لاقده نیورولوژیک کسل لیک لر گه سبب بوله دیگن لیگی بیلدیریلماقده.

دنیا ساغلیق نی سقلش تشکیلاتی نینگ راپوری گه کوره, زیکا ویروسی میلادی ۲۰۰۷ و ۲۰۱۶ نچی ییللری آره سیده ۴۴ اولکه ده کورینرایکن, ۳۳ اولکه ده ایسه کینگ قولاچ یاییب کیتگن لیگی معلوم قیلینماقده.