11 نچی سپتمبر حادثه سی نینگ یاد ایتیش مراسمی

11 نچی سپتمبر حادثه سی نینگ یاد ایتیش مراسمی
2001 نچی ییل سپتمبر آی نینگ 11 نچی تاریخیده تروریست گروهی تمان طیاره لر قاچیریلیب امریکا قوشمه ایالتلریده گی تجارت مرکزی نینگ ایکّی بناسیگه اثابت ایتدیریلگن ایدی. خودی شو حادثه نتیجه سیده تقریباً 3 مینگ کیشی اولگن ایدی. عین دمده بیر طیاره امریکا قوشمه ایالتلری نینگ مدافعه وزیرلیگی پنتاگون بناسی نینگ اوستیگه باریب توشر ایکن، ایکّینچی طیاره آق اوی تمان کیته دیگن پیتده توشیریلگن لیگی ادعا ایتیلگن ایدی. اوشبو هجوم حادثه سینی تروریست گروهی القاعده اوز بوینیگه آلگن ایدی. نیورک، واشنگتن و پنسیلوانیاده گی هجوم لر عاقبتیده 19 کیشی هوا اوغریسی اولگن ایدی. خودی شو حادثه دن بیر آی کیین امریکا قوشمه ایالتلری افغانستان نی اشغال ایتدی. ناتو تاریخیده ایلک بار اوله راق متفق اولکه لردن بیرته سیگه هجوم اویوشتیرلگن لیگی نی متفق اولکه لرنینگ برچه سیگه اویوشتیریلگن لیگی نی قبول ایتگن 5 نچی ماده نی عملی قیلدی. انه شو 11 نچی سپتمبر حادثه سی نینگ مسوولی القاعده تروریست گروهی نینگ باشقرووچی سی اسامه بن لادن افغانستان ده حیات کیچیریب تورگن ایدی. ناتو، خلق ارا خوفسیزلیک کوچی آیساف افغانستان ده عملیات گه باشله دی.
امریکا قوشمه ایالتلری ایرکین لیک شعارلری بیلن میلادی 2003 نچی ییل جریانیده عراق نی اشغال ایتدی. یوز بیرگن برچه حادثه لر امریکا قوشمه ایالتلری نینگ ینگی دنیا شعارلری اشغال و اوروش اوچون زمینه مساعد قیلدی. 11 نچی سپتمبر حادثه سی نینگ آرتیدن امریکا قوشمه ایالتلری نینگ دولت باشلیغی بوش تمانیدن اعلان ایتیلگن تروریزم گه قرشی اوروش شعاری برچه اسلام اولکه لریگه تأثیر قالدیردی. 11 نچی سپتمبر حادثه سی دن 4 آی کیین یعنی 2002 نچی ییل ده آچیلگن گوانتانامو قماقخانه سیگه آتیلگن محکوم لرنینگ برچه سی مسلمان ایدی.