امریکا قوشمه ایالت لری ده فرگوسن قصبه سیده وضعیت عادی لشماقده

امریکا قوشمه ایالت لری ده فرگوسن قصبه سیده وضعیت عادی لشماقده.
اوشبو قصبه ده قاره تن لیک مایکل براون نامیده گی یاش بیر باله نینگ پولیس تمانیدن آتیب اولدیریلیشی آرتیدن وضعیت یمان له شیب کیتگن ایدی.
میسوری ایالتی نینگ والی سی جی نیکسن, ملی محافظ کوچ لری نینگ منطقه دن چیکیله دیگن لیگی نی بلدردی.
جاری هفته نینگ ایلک کون لری ده منطقه گه انتقال ایتتریلگن اوشبو حربی لر توقنشو لر جریانی ده وظیفه اجرا ایتگن ایدی.
بوندن آرتیغراق حربی لرنینگ منطقه ده موجود بولیشی نینگ ضروری ایمس لیگی نی ایسله تیب اوتگن ایالت والی سی, شهر ده گی خوف سیز لیک نینگ ایالت پولیسی تمانیدن تامین ایتیله دیگن لیگی نی معلوم قیلدی.
عینی دمده, بولیب اوتگن ناراضی چیلیک نمایش لری باره سیده بحث ایتگن امریکا قوشمه ایالت لری عدلیه وزیری ایریک هولدر, سونگگی ایککی هفته ده گی حادثه لرنینگ اولکه ایچی ده گی معما لر نینگ سمبولیک انعکاسی دن عبارت ایکن لیگی نی بلدردی.