اوبه مه نینگ عراق بیلن علاقه لی سوز لری

امریکا قوشمه ایالت لری دولت رهبری بره ک اوبه مه عراق بیلن علاقه لی ایریم بیانات لر بیردی.
عراق ده گی عراق شام اسلام دولتی تشکیلاتی تهدیدی گه قرشی تشله نه دیگن قدم لر بیلن علاقه لی معلومات بیرگن اوبه مه, منطقه گه قریب ۳۰۰ نفر حربی مشاور یوباریله دیگن لیگی نی ایسله تیب اوتدی.
اوشبو حربی لرنینگ عراق خوف سیزلیک کوچ لری گه تعلیم و ایریم مشوره لر بیره دیگن لیگی قید ایتیلدی.
اوبه مه, امریکا لیک حربی لرنینگ عراق گه اوروشیش اوچون کیتمیدیگن لیک لری نی معلوم قلدی.
عراق ده استخباراتی فعالیت لرنینگ آرتریلگن لیگی نی بلدرگن اوبه مه, عراق بیلن بیرگه لیکده قوریلگن عملیات مرکزی ده معلومات لرنینگ مشترک روشده استفاده ایتیلیتگن لیگی گه دقت قره تدی.
اوبه مه, کیره ک بولگن تقدیرده, انیق بیر حربی عملیات نینگ هم اویشتریلیشی نینگ ممکن ایکن لیگی نی بلدردی.
اوشبو قرار بیلن حاضرگی کونده هوائی عملیات دن واز کیچیلگن لیگی کورینماقده.
عینی دمده اوبه مه, عراق ده گی رهبر لرنینگ بیر یقه دن باش چیقاریشی نی طلب ایتدی.
عراق باش وزیری المالکی گه قره ته بیرگن بیانات لری ده اوبه مه, عراق لیق رهبرلرنینگ اوز ارا رقابت لر نی بیر تمان گه قویشیب سیاسی بیر پلان دایره سیده بیرله شیش لری کیره ک ایکن لیگی نی قید ایتدی.
واشنگتن نینگ دپلوماتیک سعی و حرکت لر بوییچه واسطه چیلیک ایته دیگن لیگی نی بلدرگن اوبه مه, امریکا قوشمه ایالت لری تشقی ایش لر وزیری جان کری نینگ جاری هفته نینگ سونگگی ده اورته شرق و اوروپا ده ایریم اوچره شو لر اوتکزه دیگن لیگی نی ایسله تیب اوتدی.
تهران رهبریتی گه قره ته بیرگن بیانات لری ده ایسه اوبه مه, اوشبو دایره ده ایران نینگ هم یخشی بیر رول گه ایگه بولیشی نینگ ممکن ایکن لیگی نی معلوم قلدی.
اوبه مه, ایران نینگ مذهبی بحران لر نی آرتروچی قدم لر دن اوزاق توریشی کیره ک ایکن لیگی نی بلدردی.