اوکراین اردوسی تورک اوچووچیسیز اوچاق دن فایده لندی

اوکراین قوراللی کوچ لری, دونباس ده روسیه طرفداری ایریلیقچی لر تامانیدن استفاده ایتیلیاتگن بیر اوبوس نی, تورکیه ده ایشلب چیقریلگن بیرقدار تی بی 2 قوراللی اوچووچیسیز اوچاق بیلن اوریلگن لیگی بوییچه تصویر لر نی ترقه تدی. 

اوکراین قوراللی کوچ لری تامانیدن فیسبوک آرقه لی ترقه تیلگن بیاناتده, روسیه طرفداری ایریلیقچی لرنینگ, اوبوس دن فایده له نیب آتشکیسین کیلیشووی گه ضد حرکت قیلیب بیر اوکراین حربی سی نی اولدیرگن لیگی و 2 عسکر نی ایسه یره له گن لیگی معلوم قیلیندی.

بیاناتده, اوکراین قوراللی کوچ لری نینگ, تورکیه ده ایشلب چیقریلگن اوچووچیسیز اوچاق دن فایده له نیب ایریلیقچی لرنینگ اوبوسی نی یوق قیلگن لیگی بیلدیریلدی. 

پایتخت کیف ده, اوشه دور نینگ دولت رهبری ویکتور یانوکووچی نینگ اوروپا بیرلیگی همکارلیک کیلیشووی نی امضاله شی آرتیدن 2013- ییل 21 نوامبرده ناراضی چیلیک نمایش لری باشله گن ایدی. 

یانوکوویچ نینگ, ناراضی چیلیک نمایش لری نینگ کینگ قولاچ یاییب کیتیشی آرتیدن 2014- ییل فبروری آییده اوکراین دن چیقیشی کیتیدن اولکه نینگ شرقیده جایلشگن دونباس منطقه سی نینگ دونیتسک و لوگانسک شهرلریده روسیه طرفداری ایریلیقچی لر سوزده مستقل لیک اعلان قیلگن ایدی. 

میلادی 2014- ییلدن بیری ایریلیقچی لر بیلن کیف رهبریتی اورته سیده یوز بیریب کیلگن توقنه شوو لر نتیجه سیده 13 مینگ دن آرتیق کیشی حیاتی نی یوقاتدی.