امریکا اسرائیل گه یوز میلیون دالرلیک اوروش طیاره سی نی بیردی

امریکا قوشمه ایالتلری اسرائیل گه هر بیری ۱۰۰ میلیون دالرلیک اوروش طیاره لری بیردی.  

اسرائیل, امریکا دن ساتیب آلگن ۵۰ فروند اف ۳۵ اوروش طیاره لریدن ایککی سی نی تسلیم آلدی.  

"اجینه طیاره لر" اوله راق بیلینگن اوشبو طیاره لرنینگ هر بیری نینگ ۱۰۰ میلیون دالر دن عبارت ایکن لیگی بیلدیریلدی.  

اوشبو طیاره لرنینگ تسلیم ایتیلیشی بیلن علاقه لی اسرائیلده بولیب اوتگن مراسم گه اسرائیل جمهوررئیسی, باش وزیری, مدافعه وزیری و قوراللی کوچلری قوماندانی دن تشقری, امریکا قوشمه ایالتلری مدافعه وزیری آشتون کارتر نینگ هم اشتراک ایتگن لیگی معلوم قیلیندی. 

خودی منه شوو طیاره لرنینگ دنیا نینگ اینگ ایلغار تکنالوژی گه ایگه مدافعه و هجوم اوروش طیاره لریدن عبارت ایکن لیگی بیلدیریلماقده. 

اسرائیل قوراللی کوچلری قوماندانی گادی ایزینکوت, میلادی ۲۰۱۷ نچی ییلیده اوشبو طیاره لردن استفاده ایتیب باشلیدیگن لیک لری نی بیلدیردی.