مقدس اسلام دینیده عبادت نینگ معنی سی و حکمتی

عبادت, الله سبحانه و تعالی گه تعظیم ایتیش اوچون هر خیل ایشدن عبارت.  باشقه چه قیلیب ایتگنده, قیلینیشی ثواب بولگن و الله تعالی گه یقین لیک نی کورسه ته دیگن شعور لی حرکت لردن عبارت عبادت.  انسان نی الله اوچون ارزشلی قیلیب قویه دیگن اوشبو عبادت بیر شعوردن عبارت.  بنده نینگ بیواسطه الله تعالی گه عرض ایته آلیشیدن عبارت عبادت. بالغ بولگن مسلمان لر عبادت قیلیش مسئولیتی گه ایگه.  بیر عمل نینگ عبادت بولیشی اوچون اسلام گه اویغون بولیشی, عبادت نیتی بیلن قیلینیشی, عابد نینگ مومن و اخلاصلی بولیشی کیره ک.  ایمان هم عبادت بیلن حیات گه عکس ایترایکن, کوچی آرتیب کیته دی. 

قرآن عظیم الشانده انسان نینگ یره تیلیشیده گی اساسی هدف نینگ عبادت ایکن لیگی بویوریلماقده.  پیغمبری میز حضرت محمد (ص) عبادت نینگ, الله نینگ بنده لرده گی حقیدن عبارت ایکن لیگی نی بویورگنلر.  شوباعث, عبادت بنده نینگ نفسی نینگ آرزو لری نی ترک ایتیب, الله تعالی نینگ اراده سی گه اویغون بیر شکلده یشیشیدن عبارت.  قولیده گی برچه نیرسه نینگ اونینگ تامانیدن بغیشلنگن الله گه تشکر بیلدیریش نینگ بیر یولیدن عبارت عبادت. 

قرآن کریمده هم عبادت, اسلام نینگ برچه حکم لری گه اویغون بیر شکلده حرکت ایتیش, بویروق و ممنوعیت لر گه رعایت ایتیش نی قمره گن کینگیش بیر اصطلاح شکلیده ذکر ایتیلگن.  الله گه اطاعت معنی سی گه کیله دیگن لیگی سببلی حیات نینگ برچه ساحه لری نی قمره ماقده عبادت موضوعی.  بیراق, تار معنی ده بحث ایتیلگنده عبادت مکلف کیشی لرنینگ بجا کیتیریش لری طلب ایتیلگن منظم عبادت معنی سی گه کیلماقده.  اسلام مفکوره سی گه کوره, هر بنده نینگ هیچ بولمسه فرض لر خصوصیده عبادت شعوری گه ایگه بولیشی کیره ک.  حضرت پیغمبری میز, "اسلام نینگ بیش اساسی موجود: الله دن باشقه اله نینگ موجود ایمس لیگی و محمد نینگ الله نینگ رسولی ایکن لیگی گه شاهد لیک بیریش, نماز اوقیش, زکات بیریش, حج گه باریش و رمضان آییده روزه توتیش" شکلیده بویریب عبادت ساحه سیده گی اصغری فرض لر نی توشینتیریب بیرگنلر.  اوندن سوره گن کیشی لر گه هم همیشه فرض عبادت لری حقیده معلومات بیریب, اسلام و ایمان نی فرض عبادت لریدن عبارت دیک کورستگن لیگی کورینماقده.  جبریل حدیثی اوله راق بیلینگن حدیث شریفده موضوع نی خودی منه شونده ی تشریح قیلگنلر.  اوشبو وضعیت نینگ اوزی ایسه, فرض عبادت لری نینگ مقدس اسلام دینیده مطلق بیر شکلده قیلینیشی کیره ک بولگن عبادت لر دن عبارت ایکن لیگی نی کورستماقده. 

دین نینگ بویروق لری نی بجا کیلتیریش بوییچه مسئولیت ایگه سی بولگن مسلمان نینگ حیاتی نینگ برچه قسم لری نی قمریدیگن عبادت لر کونده لیک, هفته لیک, ییل لیق و عمرده بیر مراتبه قیلینه دیگن عبادت لردن عبارت.  کونده لیک قیلینه دیگن عبادت لر کونده بیش وقت اوقیله دیگن نماز عبادتی دن عبارت البته که.  جمعه نمازی هفته ده بیر مراتبه قیلینه دیگن عبادت نی تشکیل ایتماقده.  روزه, زکات, بیرم نماز لری و قربان بیرمیده قربان لیق قیلیش ییلده بیر مراتبه قیلینه دیگن عبارتلر دن عبارت.  حج ایسه عمرده بیر مراتبه قیلینیشی کیره ک بولگن عبادت.  اوشبو عبادت لر دن تشقری, معلوم بیر وقت گه باغلیق بولمسدن قیلینه دیگن جنازه نمازی, نذر, نفل نمازی, صدقه, دعا و ذکر سنگری باشقه عبادت لر هم موجود.  هر عبادت نینگ اوزی گه کوره شرایطی بار. 

مسلمان لر اوچون هر خصوصده بولگن لیگی دیک, عبادت و بنده لیک بوییچه هم اورنَک پیغمبری میز حضرت محمد (ص) دن عبارت البته که.  اونینگ حیاتی و حدیث شریف لری گه قره گنده مسلمان اوچون سنت و نفل عبادت لری نینگ هم جوده مهم ایکن لیگی کورینماقده.  اوشبو دایره ده, حضرت پیغمبری میز نینگ, "الله تعالی قوییده گیچه بویورماقده: ... بندم مینگه فرض قیلگن نیرسه لریمدن باشقه بیر نیرسه بیلن یقین له شه آلمیدی. نفل عبادت لری بیلن هم مینگه یقین له شیش گه دوام ایته دی.  نتیجه ده مین اونی یخشی کوره من.  اونی یخشی کورگن سری, اونینگ ایشتگن قولاغی, کورگن کوزی, توتگن قولی, یوریگن ایاغی کبی بوله من.  میندن ایسته گنده اونگه باره من.  مینگه سیغینگنده اونی قوریمن" شکلیده گی حدیث شریف لریده عبادت لرنینگ الله اوچون بولگن اهمیتی نی انیق روشده کورسه تیب بیرگن لر. 

پیغمبری میز, عبادت نینگ آز هم بولسه دواملی بولیشی کیره ک ایکن لیگی نی بیلدیریب, بنده لیک شعوری نینگ دواملی بولیشی نینگ ضروری ایکن لیگی نی معلوم قیلگنلر.  عینی دمده حیات نینگ برچه ساحه لری بوییچه قیلینگن گوزه ل لیک لرنینگ عبادت دن عبارت ایکن لیگی نی بویورگنلر.  اوشبو دایره ده, محتاج کیشی لر گه یاردم ایتیش, سلام بیریش, گوزه ل سوز لر ایتیش, تبسم قیلیش, بیر کیشی گه یول کورسه تیب بیریش, عدالت بیلن حکم قیلیش, بیر توسیق نی یولدن آلیب تشلش, عایله اعضا لریگه نان تاپیش اوچون ایشلش و آنه- آته گه یخشی لیک قیلیش کبی عمل لر عبادت اوله راق قبول قیلینماقده. 

بنده لیکده بولگن لیگی دیک, بنده لیک نینگ کورسه تیلیش شکلیدن عبارت عبادت لرده هم اینگ یوکسک نقطه, احسان شعوریدن عبارت.  حضرت پیغمبری میز, "احسان, اونی کورگن دیک اونگه عبادت ایتیشنگدن عبارت. سین اونی کورمسنگ هم, او سینی کورماقده" شکلیده بویورگنلر.  بونده ی بیر مفکوره گه ایگه بیر مسلمان, تشله گن هر قدمی, قیله دیگن هر ایشی و هر نیتی نی الله نینگ اونی کوریتگن لیگی نی اویلب قیله دی.  اوشبو شعور بیلن عادت لر عبادت لر گه ایله نیب قاله دی. 

عبادت فقط گینه الله نینگ بویروغی بولگن لیگی اوچون و الله سبحانه و تعالی نینگ رضاسی نی کسب ایتیش مقصدی بیلن قیلینه  دی. عینی دمده عبادت لرده ایریم حکمت لر, مادی و معنوی فایده لر موجود.  عبادت لر بنده نی الله گه یقین لشتیررایکن, قیین چیلیک لر و گناه لر دن اسریدی.  اخلاقی جهت دن هم انسان نی یوقاری پاغانه لر گه کوتره دی.  عبادت انسان نی دسیپلینلی قیلرایکن, اراده سی نی کوچیتیره دی.  اویغون, موازنه لی و تینچ بیر حیات ایگه سی بولیشی گه سبب بوله دی عبادت.