تورکیه گه خاص بیر تقینچاق حقیده قیسقه معلومات

تورکیه نینگ قاره دینگیز قیرغاغیده گی تاریخی ولایتیدن عبارت ترابزون, اوتمیشی 7- الی 8- عصر دن آلدینگی بیر تاریخ گه باریب تقیلگن و گومیشخانه ولایتیده گی معدن لردن کیلیتیریلگن آلتین و کومیش نینگ قیته ایشله نیشی و ساتیلیشی مقصدی بیلن باشله گن جوده گوزه ل بیر قول صنعتی گه میزبانلیک قیلماقده.  بیر پیتلر اوشبو ولایت یشاوچی لری نینگ اویله نیش اوچون طلب بیلدیره دیگن پیتده حتمی بیر شکلده استفاده ایتگن و آلتین یاکه کومیش بیله زیک, سیرغه و اوزوک کبی نرسه لردن تشکیل تاپگن "ترابزون سیم تقینچاق" ترابزون زرگرلر و ساعتچی لر اُتاغی نینگ طلبی گه بناً میلادی 2006- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  اوشبو تقینچاق لر 22 عیار آلتین یاکه 900 عیار کومیش نینگ قیته ایشله نیشی بیلن تولید ایتیله دی.  32 مایکرون سیم شکلی گه کیلتیریلگن آلتین, تجربه لی زرگرلر تامانیدن 80 الی 100 گرام لیک حلقه لر گه ایلنتیریله دی. دستلب اوشبو آلتین سیم لر زرگرلر تامانیدن استفاده ایتیله دیگن اوزونلیکده کیسیله دی.  شونده ی قیلیب سیم لر اوریلیب تقینچاق لر تولید ایتیله دی.  اوشبو تقینچاق لر منطقه گه خاص بیر شکلده دیزاین ایتیلماقده.  خوددی شوو تقینچاق لرنینگ اینگ مهم خصوصیت لریدن بیری اوستی گه سوو توکیلگنده پسی گه اوشبو سوو نینگ اوتمه یدیگن لیگی دن عبارت.  جوده تجربه لی زرگرلر تامانیدن تولید ایتیله دیگن اوشبو تقینچاق لر فقط گینه تورکیه ده ایمس, عینی دمده ترابزون گه کیلیاتگن سیاح لر آرقه لی خلق ارا مقیاسده هم مشهور بولگن وضعیتده.