یوریماق و انسان ساغلیغی
جهان ساغلیق نی سقلش تشکیلاتی, هفته ده کمیده ایکّی ساعت یوریماق کیره ک ایکن لیگینی بیلدیرماقده
بوگون ساغلیغی میز بیلن علاقه لی بولگن یوریماق حقیده بحث ایته میز عزیز دوست لر. وجودی میزده گی سیستم لر اوز ایچ لریده و همده بیر بیر لری بیلن اویغون بیر شکلده فعالیت یوریته دی. ساغلیق سوزی اوشبو اویغون لیک نینگ تشریح قیلینیشی دن عبارت بیر جهت دن آلیب قره گنده. فعالیت لرده گی کمچیلیک لر ایسه کسللیک لر نی تشکیل ایته دی. حاضرگی کونده طب کسللیک لرنی تداوی قیلیش بیلن بیر قطارده, انسان لرنینگ کسل بولیشی نینگ آلدینی نینگ آلینیشی گه هم کتته اهمیت بیرماقده. شوباعث انسان لرنینگ فزیکی فعالیت لری, طعامله نیش لری و اویقو نظمی نینگ ینه ده یخشیراق بولیشی اوچون ایریم پیشنهاد لرنی مطرح قیلماقده. ساغلام بیر وجود گه ایگه بولیش اوچون اینگ مهم ایش ایسه منظم روشده یوریماقدن عبارت.
جهان ساغلیق نی سقلش تشکیلاتی, یاشی گه قره می انسان لرنینگ همه سی نینگ هفته ده کمیده ایکّی ساعت یوریماغی کیره ک ایکن لیگینی بیلدیرماقده. اوشبو تشکیلات کونده یریم ساعت و هفته ده اوچ یریم ساعت یوریماق نینگ ایسه جوده فایده لی ایکن لیگینی معلوم قیلماقده. زیرا, منظم روشده یوریماق یوره ک کسللیک لری کبی کوپلب کسللیک لرنینگ آلدینی نینگ آلینیشیده کتته رول اوینه ماقده. وجودده گی قان نینگ حرکتی نی تنظیم قیله دیگن یوریماق میتابولیزم نی تیزلشتیریب انسان لرنینگ وزن آلیشی نینگ آلدینی آله دی. عینی دمده یوریماق عضله لرنی کوچه یتیریب بوغیم لرنینگ ماسله شووچن لیگینی آرتیره دی. شونده ی قیلیب اسکلیت سیستمی میز نینگ اینگ یخشی دوستی دن عبارت بولماقده. یوریماق نتیجه سیده منظم بیر شکلده ایشله یدیگن وجودی میز نینگ مدافعه سیستمی کوچی نینگ هم آرتیب کیتگن لیگی قیلینگن تدقیقاتلر نتیجه سیده انیقلنگن وضعیتده.
منظم روشده یوریماق نینگ فقط گینه بدنی میز ایمس, عینی دمده روحی میز گه فایده لی ایکن لیگینی ایسله تیب اوتیشی میز کیره ک. یوریش جریانیده ترشح بوله دیگن اندورفین هورمونی بیز نینگ خرسندچیلیگی میز نی آرتیریب استرسی میز نی آزه یتیره دی. یوریشی میز تقدیرده سیستم لری میز نینگ منظم بوله دیگن لیگی اوچون ینه ده یخشیراق بیر اویقو گه ایگه بوله میز. شونده ی قیلیب یوریماق فزیکی و روحی جهت دن ساغلام بیر شرایط گه ایگه بولیشی میز گه سبب بوله دی. دوست لری میز یاکه عایله اعضا لری میز بیلن بیرگه یوریماغی میز ایسه اجتماعی مناسبت لری میزنی مستحکمله شی میز جهتی دن فایده لی بوله دی.
حاضرگی کونده موبایل و سمارت ساعت لر کبی تکنالوژیک امکانیت لردن فایده له نیب قنچه مدت یوریگنی میز یاکه نیچه قدم تشله گنی میز نی سنه شی میز ممکن. ساغلیغی میز اوچون خوددی شوو امکانیت لردن فایده له نیب کونده لیک منظم روشده یوریماغی میز کیره ک البته که.
