2024 ییلیده دنیا جیوپولیتیکی
برنامه
2024 ییلیده دنیا جیوپولیتیکی
2024 ییلی گه کیردیک، بیراق منطقه میزده 2023 قالگن معمالر و توقنه شوولر بیزنی قمره ب آلیش گه دوام ایتماقده. روسیه – اوکراین اوروشی جیم بولرکن، اسرائیل نینگ غزه گه قره ته قول اورگن اشغال و قیرغینلر دوام ایتماقده. بیر تاماندن حوثیلرنینگ باب المندب و قیزیل دینگیزنی یاپیب قوییشی، امریکا قوشمه ایالتلری نینگ مداخله اورونیشلری هم قالگن جایدن دوام ایتماقده. سودان ده ایسه ایچکی اوروش تاباره کوچه ییب بارماقده. 2023 ییلی نینگ ایلک کونلری منطقوی نورماللشوو و قیته دن اوزارا منفعت یانداشووی بیلن دیپلوماسی آلغه بارگن بیر تخمین ایتیلر ایکن ایندی ایسه قاشیمیزده قرانغو بیر تابلو بار.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
2024 ییلی نینگ بیرینچی کونیده ینه اورته شرق قان بیلن غرق آب بولگن وضعیتده. اسرائیل نینگ غزه ده گی اشغال عملیاتی و قیرغینلری اوزلیکسیز دوام ایتماقده. 22 مینگ انسان حیاتینی یوقاتدی و کونسایین یوزلرچه سی اولماقده. غرب اولکه لری هم نالیماقده همده اسرائیل نی قوللب – قوتلش گه دوام ایتماقده. اسرائیللیک ییتکچیلر ایندی دنیانینگ کوزی نینگ آلدیده غزه نینگ بوشه تیلیشی حقیده بیاناتلر بیرماقده. حماس و ایریم فلسطینلیک مقاومت گروپلری قرشیلریده گی بویوک کوچ ترماغی بولگن حالده مقاومت گه دوام ایتماقده. اسرائیل اوروش نی ییره تیش اوچون پرواسیز بیر شکلده آدیملر آتماقده. قیسقه مدت آلدین تورک استخباراتی موسادنینگ تورکیه ده گی فعالیتلری و جاسوس ترماغی گه بویوک بیر ضربه اورووچی کینگ – کولملی عملیات آلیب باردی. اسرائیل هوا کوچلری ایسه 2006 دن بویان ایلک مرته بیروت نی بمباردمان قیلیب حماس نینگ مهم سیمالریدن بیرته سینی اولدیریشدن قول تارتمه دی. شونده ی بولیب ینه 3 جنوریده ایران ده قاسم سلیمانینی یاد ایتیش مراسملریده کیتمه کیت پارتلشلر یوزبیردی، تقریباً 100 کیشی حیاتینی یوقاتگن وضعیتده کی اسرائیل بیر نیچه کون آلدین ایرانلیک مهم بیر جنرال نی سوریه ده اماج قرار بیریب اولدیرگندی. بو حرکت شکلی آچیق روشده اسرائیل نینگ اوروش نی منطقویلشتیریب امریکا قوشمه ایالتلری و ایریم غرب اولکه لرینی ایران گه قرشی حربی بیر مداخله گه مجبور قیلماقده. ایران ایسه حلی هم حوثیلرنینگ باب المندب و قیزیل دینگیزنی یاپیب قوییش اورونیشیدن تشقری جدی معنالی بیر جواب بیرمه گن لیگی کوریله دی. سونگگی حادثه لردن کیین حزب الله نینگ شمالده موجود محدود حربی بیرلیگینی کوچه یتیره دی می؟ کوره میز. بیراق اسرائیل – فلسطین اوروشی نینگ استه – سیکین ییره باره دیگن گه اوخشه یدی. اورته شرقده ایریم بیر جبهه ایسه سودان ده. افسوسکی او جایده هم مینگلب کیشی نینگ حیاتینی یوقاتیشی گه سبب بولگن بیر ایچکی اوروش بار. بیرلشگن عرب امیرلیکلری قاله ویرسه بعضی بیر اولکه لرنینگ هم کوپراق آتشلنتیرگن لیگی کوریله دی.
شمال ده ایسه روسیه – اوکراین اورته سیده گی توقنه شوولر قیته دن کوچه ییب بارگن وضعیتده. اینیقسه روسیه نینگ غرب اولکه لری نینگ اوکراین نی حمایه قیلیشده گی تردیدلریدن فایده لنیب جریان نی اوز منفعتی گه ایلنتیریش اورونیشلری بار. امریکا قوشمه ایالتلری کنگره سی نینگ اوکراین گه بیریله دیگن یاردملرنی توخته تیب قوییشی، غرب اولکه لری نینگ موجود مدافعه صنایع تولیدلری بیلن اوکراین نی کوچلی شکلده قوللب – قوتله مه گن لیگی توازن نی روسیه نینگ منفعتی گه ایلنتیریش گه باشله دی. شونده ی بولیب البته کی غزه موضوعی نینگ بیرینچی اورینده توروشی هم اوکراین گه یاردملرنینگ کمه یشی گه سبب بولگن وضعیتده. غرب نینگ قرار بیریشی کیره ک، یا کمکلرینی کوچه یتیریب روسیه نینگ هجومچیلیگینی کمه یتیره دیلر ویا روسیه ساحه نی اوز منفعتی شکللنتیریب اوکراین نی بیر کوچه گه اوگیریب آله دی.
نتیجه ده 2023 ییلیدن میراث قالگن بویوک توقنه شوو دوام ایترکن هم شمالده همده اورته شرقده موجود توقنه شوولرنینگ کوپه ییب منطقویلشیش احتمالی تاباره کوپه ییب بارماقده. متاسفانه 2024 ده کیلگن شو وضعیتده یخشی نرسه لر تیلگه آلیش ممکن کوریلمه دی.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
