انرژی

2023 ییلیده انرژی، دنیاده و تورکیه ده اینگ مهم کون ترتیبی موضوعلریدن بیرته سی بولدی. 2024 ییلیده هم وضعیت فرقلی بولمه یدی.

تورکیه سونگگی ییللرده کیتمه کیت آتگن آدیملر بیلن بیر تاماندن انرژی بوییچه مستقل بولیش اوچون مهم اورونیشلر آلیب باررکن بیر تاماندن ایسه خلق ارا مقیاسیده مرکز اولکه بولیش هدفیده آلغه بارماقده.

اروپا ایسه اوکراین – روسیه اوروشی طفیلی جدی بیر انرژی بحرانیده دوچ قالگن وضعیتده.

خوف ایندی تورکیه انرژی ساحه سیده قیسی آدیملرنی آتدی؟

2024 دن نیمه لر کوتیلماقده؟

کیلگوسی جریانده قیسی آدیملر آتیله دی؟

تورکیه برچه دینگیزلرده طبیعی گاز قیدیروولریگه دوام ایتماقده. ایلک باسقیچده قاره دینگیزده 710 میلیارد متر مکعبلیک طبیعی گاز ذخیره سی تاپیب آلیندی. شرقی اورته ییر دینگیزیده هم کم وقتده بورغولش فعالیتلری باشلنه دی.

جنوب – شرق اناطولی منطقه سیده جدی مقدارده نفت ذخیره سی تاپیب آلیندی. شهید آیبوکه یالچین ساحه سیده کونده لیک 100 مینگ بیرل تولید ظرفیتی مقصد قیلیب آلینگن. شهید اسما چیویک قدوغیده ایسه 12 میلیارد دالر ارزشیده دیب اتلگن 150 میلیون بیرل نفت ذخیره سی تاپیب آلیندی.

قیته تیکلنه دیگن انرژیده هم مهم آدیملر آتماقده. برق انرژیسی نینگ 55 فایزی قیته تیکلنه دیگن منبعلر آرقه لی قولگه کیریتیلماقده.

آق قدوق نوکلر سنترالی نینگ ایلک باسقیچی نینگ ایسه کیلگوسی آیلرده فعال بولیشی ریجه لنماقده. 2028 ییلیده ایسه ایریم باسقیچلری نینگ هم فعال بولیشی بیلن ییللیک 35 میلیارد کیلو وات ساعتلیک برق ایشلب چیقریله دی.

ینگی نوکلر سنتراللر اوچون هم جاری ییل ایچیده بیر قطار آدیملر آتیلیشی ریجه لنماقده.

بیراق انرژیده گی ینگی پروژه لر، فقط نوکلر بیلن محدود ایمس.

7 ته خلق ارا طبیعی گاز قوغانی تورکیه آرقه لی اروپاگه ییتیب بارماقده. ینگی خطلرنینگ قورولیش احتمالی هم کوپ. موجود خطلرنینگ ظرفیتی هم یقین پیتده کوچه یتیریله دی.

بولر بیلن بیرگه لیکده انرژی مرکزی بولیش مقصد قیلیب آلینماقده.

شونده ی بولیب روسیه بیلن یقین مناسبت آلیب باریلماقده. تراکیاده قوریله دیگن بیر انرژی ذخیره گاهی بیلن اروپاگه طبیعی گاز چیقیشی تورکیه آرقه لی و بیر مرکزدن بولیشی ریجه لنماقده. بو تورکیه نی طبیعی گازنینگ نرخینی انیقلشتیریشده هم مهم اولکه لر قطاریگه کیریته دی.

تورک عالمی بیلن هم انرژی ساحه سیده ینگی ادیملر کون ترتیبیده دیر. آذربایجان ارمنستان اشغالی آستیده گی قاره باغ توپراقلرینی قوتقریب آلدی. ایندی ایسه زنگزگور کوریدوری نینگ فعال قیلیش ریجه سی بار. کوریدورنینگ فعال بولیشی بیلن بیرگه لیکده تورکیه بیلن تورک عالمی بیر بیری بیلن باغلنه دی. بو ایسه انرژی تامیناتی خوفسیزلیگی و اورتاقلیکلری بوییچه قیسی فرصتلرنی یراته دی؟

اینیقسه آذربایجان نینگ آرتیدن تورکمنستان طبیعی گازی نینگ هم تورکیه آرقه لی خلق ارا بازارگه ییتکیزیلیشی اوستیده باش قاتیریلماقده.