تورکیه گه خاص بیر تندور سمبوسه سی حقیده معلومات
برنامه
قونیه ولایتی گه خاص بیر تندور سمبوسه سی حقیده معلومات
تورکیه نینگ اورته اناطولی منطقه سیده جایلشگن قونیه شهری تورک ییمک مدنیتی گه خاص تورلی لذتلریگه میزبانلیک قیلماقده دیر. بو ییمک مدنتی کوچمن حیات شکلیدن مسکونی تیزیم گه اوئتیشدن کیلیب چیقماقده دیر. ییمک بیشیریشده اینیقسه تندور اناطولیده اونیملی اورین گه ایگه دیر. قونیه بلدیه سی تامانیدن آلیب باریلگن مراجعه بیلن 2023 ییلی تورکیه نینگ جغرافی اثرلری رویخطی گه کیریتیلگن «قونیه تندور سمبوسه سی» بوغدای اونی، توز و مایه بیلن تیارلنگن خمیرنینگ ایچی گه مواد قوییلیب تندورده بیشیریلماقده. اوشبو سمبوسه نینگ ایچی گه قوییلگن مواد پنیردن عبارت. شونده ی بولیب پیازلی قیمه و گوشت هم قوییله دی. اولاً خمیر تیارلنگندن کیین بیر مدت آچیتیله دی و خمیر 6 پارچه گه کیسیلیب 20 سانتی گه یاییله دی. اوشبو ییایلگن خمیرنینگ ایچی گه تنیارلنگن مواد قوییله دی و خمیرنینگ تیگره گی بوکولیب سمبوسه تیارلنگن بوله دی. کیین تندورگه یاپیلیب 10-15 دقیقه ده بیشیریله دی.