تورکیه گه خاص بیر بال توغریسیده قیسقه معلومات

تورکیه نینگ شرقی انادولو منطقه سیده جایلشگن ایلازیغ ولایتی, تاریخی و فرهنگی خصوصیت لریدن تشقری, "گیوین" دیب ناملنگن بیر اوسیملیک دن فایده له نیلیب تولید ایتیلیاتگن "گیوین بالی" ناملی بیر بال بیلن هم تانیلماقده.  ایلازیغ گیوین بالی, ایلازیغ اَری ییتیشتیروچی لیگی بیرلیگی نینگ طلبی گه بناً میلادی 2022- ییلده تورکیه نینگ ثبت قیلینگن جغرافی محصولاتی لیستی گه کیریتیلدی. ایلازیغ ده ییتیشه دیگن گیوین ناملی اوسیملیک تیکانلی بولیب عموماً یستیق شکلیده دسته لر تشکیل ایته دی. اوشبو اوسیملیک می و جون آی لریده گل قیله دی. یایلاولرده ایسه خوددی شوو اوسیملیک لرنینگ گل لری آگست آییده چیقه دی.  ایلازیغ ده قیش موسمی نی قطی لرده اوتکزگن اری لر, اوشبو آی لرده بال ایشلب چیقروچی لر تامانیدن طبیعت گه قوییب یوباریلیب گیوین گلی نینگ چقور نقطه لریده گی شیره لر نینگ توپله نیشی تامین ایتیله دی.  قطی لرده گی بال لر سپتامبر- اوکتوبر آی لریده توپله نیب ساتیله دی.  ایلازیغ بالی تینیق سریغ رنگ گه ایگه.  گیوین اوسیملیگی گه خاص و تماق نی کویدیرمه یدیگن بیر مزه سی بار اوشبو بال نینگ.  خوددی شوو بال نینگ کوپلب آش قازان و ایچک کسللیک لری نینگ آلدینی نینگ آلینیشی بوییچه فایده لی ایکن لیگی بیلدیریلماقده.