موزلیکلرنینگ ایریشی تورکیه نی اوره ب تورگن دینگیزلرده گی سوو سطحی نی کوتره دی

قویاش نوری نینگ 80 فایز گه یقینی نی عکس ایتدیریب دنیا ده ایسسیق لیک نینگ حدسیز بیر شکلده آرتیب کیتیشی نی توسیاتگن شمالی قطب ده گی موزلیک لرنینگ موجودیتی میلادی 1970 - ییلدن باشلب حاضرگی کون گه قدر تقریباً یریم بولیب قالگن وضعیتده. 

حاضرگی کونده شمالی قطبده دینگیز موزلیک لری ییل دوامیده اوز موجودیتی نی اسره ب قالماقده.  هر یاز موسمیده اوشبو موزلیک لرنینگ مقداری توشیب کیترایکن, قیشده ینه آرتماقده.  تدقیقاتچی لر شمالی قطب ده گی موزلیک لرنینگ هر ییل 13 فایز مقیاسیده کمه ییب باریاتگن لیگی و شمالی موز دینگیزیده میلادی 2050 - ییل گه قدر یاز موسمیده موزلیک لرنینگ یوق بولیشی نینگ ممکن ایکن لیگینی بیلدیرماقده. 

بونگه اوخشش بیر وضعیت نینگ انترکتیکا موزلیک لریده هم بحث موضوعی ایکن لیگی بیلینماقده.  مذکور قطعه دن, میلادی 1992- ییلدن بیری آلینگن ستلایت تصویر لری, کتته موزلیک لرنینگ ییلده 7 متر یوکسک لیگینی قولدن بیریاتگن لیگی و اوقیانوس لر گه هر ییل 120 الی 140 میلیارد تن موز نینگ قوشیلیاتگن لیگینی کورستماقده. 

اقلیم اوزگریشی نینگ تاثیری بیلن قطب موزلیکلریده گی ایریش دنیا دینگیز لری و اوقیانوس لری گه تاثیر قالدیررایکن, دینگیز سطحی نینگ کوتریلیشی بیلن بیر قطارده حدسیز هوا حادثه لری گه هم سبب بولماقده. 

قطب موزلیکلریده گی ایریش نینگ تورکیه نی اوره ب تورگن دینگیز لر گه قالدیرگن تاثیری حقیده انادولو آژانسی ژورنالیستی نینگ سئوال لری گه جواب قیترگن دوکوز ایلول عالی بیلیم یورتی دینگیز بیلیم لری و تکنالوژی انستیتوتی دینگیز بیلیم لری دیپارتمنتی نینگ باشلیغی پروفیسر داکتر شکری توران بیشیک تپه, موزلیک لرده گی ایریش بیلن بیر گه اوقیانوس لرده گی سوو حجمی و برچه دینگیزلرده گی ایسسیق لیک مقداری نینگ آرتگن لیگینی معلوم قیلدی.

دوکوز ایلول عالی بیلیم یورتی دینگیز بیلیم لری و تکنالوژی انستیتوتی دینگیز بیلیم لری دیپارتمنتی نینگ باشلیغی پروفیسر داکتر شکری توران بیشیک تپه, "قیلینگن تدقیقاتلرده تورکیه نینگ دینگیزلریده هر ییل 4 ملی متر دینگیز سطحی نینگ کوتریلیاتگن لیگی کورینماقده.  بونینگ جوده آز بیر رقم اوله راق بهالنتیریلیشی ممکن. لیکن 10 ییلده 4 سانتی متر, 100 ییلده 40 سانتی متر دیماق. دینگیزلرده ایسسیق لیک بار و ایسینگن سوو کینگه یه دی و سوو سطحی کوتریلیب کیته دی.  بیز نینگ قیرغاق منطقه لریده گی دینگیز سطحی نینگ کوتریلگن لیگینی انیق کوریشی میز ممکن.  کیلگوسی 20 ییلده اوشبو وضعیت بیلن علاقه لی قیین چیلیک لرنی حس ایته باشله یمیز" دییه قید ایتدی. 

ییلدیز تخنیک عالی بیلیم یورتی کیمیا- متالورژی فاکولته سی بیوانجنیرلیک بولیمی نینگ استادی پروفیسر داکتر دیدم بالکانلی اوزچیمن, خلق ارا مقیاسده ایسسیق لیک درجه سی نینگ کوتریلیب کیتیشی نینگ اتموسفیر و همده اوقیانوس سوو لری نینگ ایسسیق لیگی نینگ آرتیب کیتیشی گه تاثیر قالدیریب, موزلیک لرنینگ تیز ایریشی گه سبب بولیاتگن لیگینی بیلدیردی. 

موزلیک لرنینگ حدسیز ایسسیق لیک نی اتموسفیر گه انعکاس ایتدیریاتگن لیگینی بیلدیرگن اوزچیمن, "قطب لرده گی موزلیک لر دنیا اقلیم سیستمی, دینگیز سطحی و ایسسیق لیگی, اوقیانوسده سوو نینگ آقیشی, شیرین سوو منبع لری و برچه حیات ساحه لری نینگ موازنه لی بیر شکلده اسره لیب قالینیشی بوییچه مهم رول اوینه ماقده.  موزلیک لر ایریب اوقیانوس لرده گی ایسسیق لیک آرتیب کیتگن سری, اوقیانوس لر دنیا ده هوا وضعیتی نی اوزگرتیرماقده" دییه قید ایتدی.