ایاق عضله لری کوچلی بولگن کیشیلرده یوره ک ییتیشماوچیلیگی خوفی آز

نتیجه لری اروپا کاردیولوژی اویوشمه سی سایتیده ترقه تیلگن تحقیقاتگه کوره, یوره ک سکته سیگه اوچره گن, لیکن ایاق لری کوچلی بولگن کسللرده یوره ک ییتیشماوچیلیگی رواجله نیش خوفی کمراق. 

جاپان نینگ ساگامیهارا عالی بیلیم یورتی طب فاکولته سی تامانیدن قیلینگن تحقیقاتده, میلادی 2007 بیلن 2020- ییل لر آره سیده, آلدین یوره ک کسللیگی بولمه گن, ایلک مراتبه سکته قیلگن 932 کیشی تیکشیریلدی. 

سکته قیلیشی آرتیدن کسلخانه گه یاتقیزیلگن کسللرنینگ " quadriceps " عضله گروپی تستی بیلن ایاق لری نینگ کوچی اولچه لگن تحقیقاتده, 481 کسل نینگ ایاغی نینگ کوچلی, 451 نفری نینگ ایاغی نینگ کوچسیز و 67 کیشی سی نینگ اورته چه عضله کوچی گه ایگه ایکن لیگی انیقلندی.  

سکته قیلگن وقت دن باشلب 4,5 ییل دوامیده کوزه تیلگن کسللرده, ایاق عضله لری کوچلی بولگن لرده یوره ک ییتیشماوچیلیگی میزانی مینگده 10,2 ایکن, عضله لری کوچسیز بولگن کسللرده اوشبو رقم نینگ مینگده 22,9 گه کوتریلیب کیتگن لیگی کوریندی. 

عینی دمده اروپا کاردیولوژی اویوشمه سی سایتیده ترقه تیلگن اوشبو تحقیقاتده, ایاق عضله لری نینگ کوچه یتیریلیشی بیلن یوره ک ییتیشماوچیلیگی اورته سیده گی مناسبت لر هم تیکشیریلدی.  ایاق عضله لری نینگ 5 فایز کوچه یتیریلیشی نینگ یوره ک ییتیشماوچیلیگی خوفی نی 11 فایز گه آزه یتیرگن لیگی انیقلندی. 

تدقیقاتچی لردن بیری بولگن ساگامیهارا عالی بیلیم یورتی فزیک تداوی بولیمی دن کنسوکه اونو بیرگن بیاناتیده, اوشبو تحقیقات نینگ, سکته آرتیدن یوره ک ییتیشماوچیلیگی خوفی یوقاری بولگن کسللرنینگ انیقله نیشیده فایده لی ایکن لیگینی بیلدیردی. 

ایاق عضله سی کوچی نینگ کلینیکده توغری بیر شکلده اولچه لیشی نینگ آسان ایکن لیگینی بیلدیرگن اونو, بونینگ, سکته قیلگن کسللرده, یوره ک ییتیشماوچیلیگی نینگ آلدینی آلووچی تداویده هم فایده لی بولیشی نینگ ممکن لیگینی ایسله تیب اوتدی.