تورکیه گه خاص بیر شکر توغریسیده قیسقه معلومات

تورکیه نینگ شرقی انادولو منطقه سیده جایلشگن ارضروم ولایتیده اوزی گه خاص بیر شکر ایشلب چیقریلماقده. ارضروم ولایتی تجارت اتاقی نینگ طلبی گه بناً میلادی 2022- ییلده تورکیه نینگ ثبت قیلینگن جغرافی محصولاتی لیستی گه کیریتیلگن ارضروم شکری, اینیقسه اوشبو ولایتده یشیاتگن و چای نی جوده یخشی کورگن کیشی لرنینگ واز کیچه آلمه یدیگن بیر نرسه دن عبارت.  تیشلب ییله دیگن اوشبو شکر لبلبو دن تیارلنماقده.  آق شکر کیچیک پارچه لر گه ایلنتیریلیشی آرتیدن, سوو قوشیلیب قاریشتیریله دی.  یومشاق بولگن شکر پارچه لری کیین تولید اوچون استفاده ایتیله دیگن قالب جهازی گه جایلشتیریله دی.  اوشبو جهاز شکر پارچه لرینی باستیریب معلوم بیر شکل گه ایلنتیره دی.  25 سانتی متر اوزونلیککه ایگه اوشبو شکر پارچه لری کیین چه لیک 250 درجه ده گی داش گه قویلیب 3 ساعت پیشیریله دی. تولید باسقیچی آرتیدن ارضروم شکری, اوستی آچیق ایدیش لر گه جایلشتیریلیب 1 هفته کوتتیریله دی.  اویغون شرایطده سقله نیشی تقدیرده 2 ییل گه قدر استفاده ایتیلیشی ممکن بولگن ارضروم شکری, خاص مصرف اوچون تیارله نرایکن, شکر قیچی سی بیلن 3- 5 سانتی متر اوزونلیکده کیسیله دی.  چای ایچیلیاتگن پیتده تیشله نیب ییله دیگن اوشبو شکر نینگ اوستی یاپیق مرتبان لر گه قوییلیب نم دن اوزاق بیر شکلده سقله نیشی کیره ک.