تورکیه ده یوز بیرگن زلزله توغریسیده تحلیلی مقاله

میلادی 2023- ییل 6- فبروریده تورکیه ده اوشبو جغرافیه تاریخی نینگ اینگ قتتیق ییرقیمیرلش حادثه سی یوز بیردی.  متخصص لر نینگ ایتیشیچه بیرینچی ییرقیمیرلش حادثه سی دن 8 ساعت کیین ایکّینچی زلزله یوز بیرگن.  بونده ی بیر وضعیت بیرینچی مرته یوز بیرماقده.  دینگیزلرده گی زلزله لردن تشقری, قتتیق لیک جهتی دن دنیا تاریخی نینگ اینگ کتته 10 زلزله سی آره سیده اورین ایگلله ماقده.  زلزله دن تاثیرلنگن شهرلرنینگ سانی هم انچه کوپ.  شونده ی قیلیب اون فرقلی شهر اوشبو زلزله دن تاثیرلندی. شمال- جنوب و همده شرق- غرب خطی گه قره گنده آلمان نینگ مساحتی قدر بیر منطقه ییرقیمیرلش حادثه سیدن تاثیرلنگن وضعیتده.  باشقه چه قیلیب ایتگنده اوشبو زلزله آلمانده یوز بیرسه ایدی اولکه نینگ تقریباً همه سی گه تاثیر قالدیرگن بولر ایدی.  13,5 میلیون کیشی نینگ زلزله دن تاثیرلنگن لیگی گه قره گنده وضعیت نینگ قنچه لیک یمان ایکن لیگی انیق کورینماقده. 

ییرقیمیرلش حادثه سی نینگ یوز بیرگن دقیقه دن باشلب اوشبو توغریده جدی سعی و حرکت لرنینگ موجود ایکن لیگی گه قره مسدن, بونده ی کینگ بیر ساحه ده یوز بیرگن زلزله ده تیز و ییترلی فعالیت یوریتیش اونچه لیک هم ممکن ایمس.  دستلبکی 24 ساعتده زلزله گه قرشی کوره ش بوییچه مسئول برچه اداره لر نینگ حادثه محلی گه یوباریلگن لیگی گه قره مسدن, البته که بو ییترلی بولمه دی.  بیراق تورکیه نینگ سونگّی 20 ییلده قولگه کیریتگن یوتوقلریگه قره گنده, اوشبو خصوصده موفق بولیش احتمالی نینگ موجود ایکن لیگی نی بیلدیریشی میز ممکن.  ایسله تیب اوتیش کیره ک که بو اوزاق بیر مدت دوام ایته دیگن بیر پروسه دن عبارت. 

اوشبو پروسه لرنینگ بیرینچی سی زلزله ده ویران بولگن بنا لرنینگ قالدیق لرینی آلیب تشلش دن عبارت بوله دی.  دستلبکی 72 ساعت مهم ایدی. بو ایسه توگه گن وضعیتده.  حادثه عاقبتیده حیاتینی یوقاتگن لر سانی 18 مینگدن آشدی.  حیاتینی یوقاتگن لر سانی نینگ آرتیب کیتیشی ممکن.  باشقه چه قیلیب ایتگنده بو گلگی ییرقیمیرلش حادثه سیده میلادی 1999- ییلده تورکیه نینگ کوجه ایلی ولایتی ایزمیت تومنیده یوز بیرگن زلزله دن کوپراق کیشی نینگ حیاتینی یوقاتیشی احتمالی موجود. 

ایکّینچی موضوع 13,5 میلیون کیشی نینگ اوشبو حادثه دن تاثیرلنگن لیگیدن عبارت. بو طریقه کوپ بیر نفوس نینگ تورر جای و عاجل ضرورت لری نینگ تامین ایتیب بیریلیشی حقیقتدن هم جوده قیین بوله دی.  باشقه بیر خصوص ایسه زلزله نینگ اجتماعی- روانی تامانیدن عبارت.  ییرقیمیرلش حادثه لری جمعیت نینگ روحی گه تاثیر قالدیره دیگن اینگ مهم طبیعی آفت نی تشکیل ایتماقده.  ایندی کووید-19 نینگ تاثیری دن قوتیلگن یاکه قوتیلماقچی بولیاتگن بیر جمعیت نینگ کتته بیر طبیعی آفت گه دوچ قالیشی نینگ قالووچی بیر روحی تاثیر قالدیریشی ممکن.  شوباعث جمعیت نینگ روحی ساغلیغی نینگ یخشی بولیشی و بونینگ اوچون ایسه انسان لرنینگ بیر بیر لری بیلن همکارلیک قیلیش لری کتته اهمیت گه ایگه.  آلدین بونده ی آفتلرده تورک ملتی نینگ بیر یقه دن باش چیقارگن لیگی باعث بو گلگی ییرقیمیرلش حادثه سیده هم خوددی شونده ی بیر بیر لری بیلن همکارلیک قیله دیگن لیگی نی بیلدیریشی میز ممکن. 

زلزله لر اولکه لرنینگ اقتصادی گه هم البته که تاثیر قالدیره دی.  تورکیه ده یوز بیرگن اوشبو زلزله نینگ اقتصادی تاثیری بوله دی.  حاضرچه انیق ایمس. لیکن بو طریقه قتتیق بیر زلزله نینگ اقتصادی تاثیری نینگ جوده یوقاری بوله دیگن لیگی نی تخمین قیلیش اونچه لیک قیین بولمه سه کیره ک. 

تورکیه ده یوز بیرگن اوشبو زلزله آلمان نینگ مساحتی گه تینگ بیر ساحه ده روی بیردی.  اوشبو حادثه اوکراین ده گی اوروش دن هم کوپراق ضرر ییتکزدی.  شوباعث خلق ارا جامعه نینگ تورکیه گه یاردم فعالیت لری نینگ دوام ایتیشی کیره ک.