دنیانینگ عجائیبلریدن ایککی ته سی تورکیه ده اورین آلماقده

قدیم دنیانینگ ییتی عجائیب اثریدن ایککی ته سی نینگ تورکیه ده جایلشگن لیگینی بیلرمیدینگیز؟

ییتی رقمی، قدیم پیتلرده بیش سیاره بیلن بیرقطارده قویاش و آینی اوز ایچی گه آلماقده. شونده ی بولیب یونانلر تامانیدن برکت و مکملیت نی افاده ایترکن تیارلنگن رویخطلرده ییتی رقمی کوزگه توتیلگن دیر. بولردن بیرته سی ایسه دنیانینگ ییتی عجائیبیدن عبارت رویخطدیر. قدیم پیتلردن بوگونگی کونده اورته ییر دینگیزی و اطرافیده گی دنیا مقیاسیده اینگ مدحش طبیعی و صنعی گوزه للیکلردن تیارلنگن رویخطده گی ییتی عجائیبدن ایککی ته سی اناطولی توپراقلریده جایلشماقده دیر.

دنیا عجائیبلری ایچیده تورکیه ده جایلشگن ایککی جایدن بیرته سی آرتمیس عبادتگاهی دیر. بو عبادتگاه ازمیر ولایتی نینگ سلجوق تومنیده و ایفیس قدیم شهری نینگ 4 کیلومتر اوزاقلیگیده جالشماقده. بو عبادتگاه نینگ میلاددن آلدین 550 ییلیده قوریلگن لیگی تخمین ایتیلماقده دیر. عبادتگاه بوتونله ی مرمردن قوریلیب ساختمانی 120 ییل سورگن دیر. شونده ی بولیب بو آرتیمیس عبادتگاهیدن بوگونگی کونده فقط بیرنیچه ته مرمر تاش قالگن دیر.

تورکیه ده گی ایریم دنیا عجائیبی هالیکارناس مقبره سی دیر. بوگونگی کونده مهم تعطیل جایلریدن بولمیش بودروم منطقه سی نینگ حدودی ایچیده جایلشگن مقبره، میلاددن آلدین 350 ییلیده قوریلگن دیر. کاریئا قرالی موسولو اوچون تورموش اورتاغی و سینگلیسی تامانیدن توزه تیلگن و تینگسیز بیر اثر بولگن هالیکارناس مقبره سی، کوچلی بیر ییر قیمیرلش حادثه سیده ویران بولیب کیتگن دیر. 15 – عصرده صلیب اوروشلری جریانیده منطقه گه کیلگن اردولر بودروم قلعه سینی قوررکن مقبره نینگ پارچه لرینی قلعه گه ایشله گن دیر. شونده ی بولیب هالیکارناس مقبره سی نینگ پارچه لری نقصان و ساحه آچیق هوا موزیم کبی کوریله دی. مقبره نینگ بعصی بیر پارچه لری ایسه انگلستانده جایلشگن بریتیش موزیمده اورین آلماقده.