نمرود تاغی ملی پارکی

جنوب – شرق اناطولی منطقه سیده کتته – کتته هیکللری بولگن نمرود تاغی هم ایچیده بولگن «نمرود تاغی ملی پارکی»، 1988 ییلی ملی پارکی ایتیب قوییلدی. اوشبو پارک 13،827 هکتارلیک بیر ساحه دن عبارت.

ملی پارک حدودی ایچیده کوریله دیگن انچه جای موجود. نمرودده اینگ کوپ علاقه کورگن جای قویاش چیقیش نمایشی بولگن شرق تامانی دیر. بو جایده واسطه بیلن بیر ییر گچه بارگندن کیین بیر ساعت اطرافیده پیاده چیقیش کیره ک بوله دی. بو یول دوامیده گوزه ل منظره نی تماشا قیلیب مزه قیله سیز. نمرود تاغی شرق تامانیده هیکللر بیلن قویاش نینگ چیقیشینی مزه قیلیب تماشا قیله سیز. نمرود تاغی نینگ غرب تامانی ایسه قرشی تامانده گی پرامید شکلده آبده قبر و هیکللر کبی دیر. بو جایده کوماگنه قرالی 1- آنتیوخوس نینگ تینگریلر بیلن سلاملشیشینی بیلدیرووچی و ارسلان صورتلری بولمیش 5 ته تصویر بار. ارسلان تصویری ارسلانی حوروسکوپ دیب اتلگن و هر 25000 ییلده یوزه گه چیققن بیر استرولوجیک حادثه نی انگله ته دی و دنیا مقیاسیده اینگ قدیم گریک حروسکوپی ایکن دیب اتلماقده. غرب تامانیدن منطقه نینگ اینگ یوکسک تاغی بولمیش نمرودنینگ ایریم تاغ و تیپه لر اوستیده سایه سی بیلن تشکیل تاپگن منظره هم جوده گوزه ل.

ملی پارک ایچیده عیندمده ایسکی قلعه دیب اتلگن ارسمیا ویرانه موجود. شونده ی بولیب نمرود تاغی نینگ قاشیده تیپه قوش کوماگنه قراللیگی گه تیگیشلی بیرته آبده اورین آلماقده. نمرود تاغی ملی پارکیده حلی هم ایش آلینه دیگن دنیا مقیاسیده اینگ قدیم کوپریکلردن بیرته سی بولمیش جندره کوپریگی هم بار. 120 متر اوزونلیگیده 7 متر کینگلیگیده گی کوپریک لاتین تیلیده گی یازووگه کوره میلاددن کیین 200 ییللریده روما امپراتوری سپتیموس سیوروس تامانیدن جوده کوپ سیوگن تورموش اورتاغی و اوغیللری آتی گه قوریلگن دیر. کوپریکده فقط پیاده یوروش ممکن. جندره کوپریگی تورک سینماسیده انچه مرته اورین بیریلگن دیر.