تورک لوقوم تیشلمه سی

تورک لوقوم تیشلمه سی

لوقوم تیشلمه سی نینگ عصرلب تاریخ گه ایگه بولگن لیگینی بیلرمیدینگیز؟

عثمانلی پیتیده سرای آشخانه سیده مهم اورنی بولمیش تورک لوقوم تیشلمه سی نینگ عصرلب تاریخی بار. پرس امپراتورلیگیده میلاددن آلدین 226 و 652 ییللری اورته سیده حکم سورگن ساسانیلر تامانیدن ایشلب چیقریلگن تیشلمه نینگ لوقوم تیشلمه سیدن عبارت ایکن لیگی اوستیده باش قاتیریلماقده.

اناطولی جغرافیه سیده 15 – عصرده قیته دن کشف ایتیلگن لوقوم تیشلمه سی 17- عصرده مشهور بولیب کیته دی. 18 عصرده سیاحلر آرقه لی اروپاده هم مشهور بولیب کیته دی. بونگه علاقه نینگ کوپه ییب باریشی بیلن 1777 ییلی عثمانلیده قطار تولید باشلنه دی. باشلنغیچده بال، میوه شربتی و اون آرقه لی ایشلب چیقریلگن لوقوم تیشلمه سی نشایسته و شکرنینگ چیقیشی بیلن مزه سیگه اوزگریش بیریب کیتگن دیر.

تورک لوقوم تیشلمه سی عموماً تورک قهوه سی بیلن سرویس قیلینه دی. سونگگی پیتلرده چای بیلن هم مصرف قیلینگن لوقوم تیشلمه سی بیسکیت ایچیده هم یخشی مزه بیره دی.