تورکیه نینگ تروریزم گه قرشی کوره شی: سوریه تامانی

تورکیه نینگ تروریزم گه قرشی کوره شی: سوریه تامانی

تورکیه نینگ تروریزم گه قرشی کوره شی اوزلیکسیز دوام ایتماقده. تورکیه قوراللی کوچلری و ملی استخبارات تشکیلاتی انچه اولکه ده همزمان حربی عملیاتلر آرقه لی ترور تشکیلاتینی یوق قیلیش گه دوام ایتماقده. بیراق سونگگی کونلرده اینیقسه سوریه ده کیتمه کیت مهم عملیاتلر آرقه لی ترور تشکیلاتی نینگ سوریه ترماغی پی وای دی/ وای پی جی گه آغیر ضربه لر اوریلگن وضعیتده. وای پی جی/ پی وای دی، امریکا قوشمه ایالتلری نینگ قوریقچیلیگی آستیده موجودیتی گه دوام ایترکن تورکیه ایسه ترور تشکیلاتینی بوندن هم قتّیقراق آماج قرار بیریش گه باشله دی.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

ترور تشکیلاتی تورکیه ایچیده تروریست ییتکچی عبدالله اوجالان تامانیدن 1970 ییللری نینگ اورته سیده قوریلگندن کیین اینیقسه سوریه استخباراتی بیلن علاقه قوروب سوریه نینگ ایچیده تشکیلاتلنیب کتریب باریگندیر. بشارالاسد تیزیمی بابا اسد پیتیده لبنانده بقا کمپلریده تشکیلات منسوبلرینی کیلتیریب تورکیه گه قرشی استعمال قیلیش اورونیشیده بولگن. بیراق تورکیه نینگ حربی مداخله تهدیدلریدن کیین کیینگه قیتیب اوجالان و ایریم تشکیلات منسوبلری اولکه دن چیقریلگن دیر. بیراق سوریه انقلابی باشلشی بیلن اسد تیزیمی قیته دن پی کاکانی هم انقلابچی کوچلرگه همده تورکیه گه قرشی استعمال قیلیش اوچون حرکت قیلیب تشکیلات نینگ سوریه ترماغی بولمیش وای پی دی/ وای پی جی بیلن همکارلیک قیلگن دیر و انچه منطقه نی ترک ایتیب ترور تشکیلاتی گه بیرگن دیر.

ترور تشکیلاتی تیزیم بیلن بیر شکلده همکارلیکلرینی دوام ایتتیرر ایکن سوریه نینگ شمالیده گی انچه منطقه ده ساحه حاکمیتی ایجاد ایتگن، کیین داعش گه قرشی کوره ش دیب امریکا قوشمه ایالتلری بیلن همکارلیک ایچیده بولیب ساحه حاکمیتینی ینه ده کینگه یتیرگن دیر. اینیقسه 2014 ییلی نینگ اورته لریدن اعتباراً ترور تشکیلاتی وای پی جی/ پی وای دی امریکا قوشمه ایالتلریدن آلگن کمک بیلن سوریه نینگ شمال – شرقیده کینگ کولملی ساحه نینگ کنترولینی قولگه کیریتگن دیر و رقه، دایرالزور کبی انرژی منبعلری جهتیدن بای عرب منطقه لریده هم امریکا قوشمه ایالتلری حربیلری بیلن کنترول قورگن دیر.

در حقیقت اساسی مقصدلرینی قولگه توتیب عفرین بیلن سوریه نینگ شرقیده گی منطقه لرنی هم قوشه دیگن شکلده آلغه باریش و در نتیجه شرقی – اورته ییر دینگیزیگه قدر باریب دینگیز بیلن علاقه ایجاد ایته دیگن شکلده بیر خودمختار باشقروو شکلی بیلن کیچیک بیر دولت قوریش ایدی. بیراق تورکیه 15 جولای تونتروو تشبثی نینگ آرتیدن اولاً فرات قلقانی عملیاتی، آرتیدن زیتون یاله سی عملیاتی آرقه لی بو ریجه نی پوچ گه چیقریش گه موفق بولدی. اونینگ آرتیدن ایسه ینه تینچلیک بولاغی عملیاتی آرقه لی فرات نینگ شرقیده گی تل ابیض و راس العین نی ترور تشکیلاتی نینگ قولیدن تمیزلب "پی کاکا دولتی" ریجه سینی پوج گه چقریش گه موفق بولدی. شو پیتده تورکیه، امریکا قوشمه ایالتلری حربیلرینی هم بویوک اولچکده منطقه دن چیقردی و روسیه بیلن بشارالاسد تیزیمی گه باغلیق کوچلر هم فرات نینگ شرقیده معلوم منطقه لرگه جایلشدی.

برچه بو حادثه لر بولگن حالده ترور تشکیلاتی پی وای دی/ وای پی جی، فرات نینگ غربیده تل رفات و منبج منطقه لریده فرات نینگ شرقیده ایسه عین العربدن مالکیه گه، شرققه قره ب رقه و دایرالزورنینگ بیر قسمتیده موجودیتینی دوام ایتتیرماقده. تورکیه بیر تاماندن امریکا قوشمه ایالتلری و روسیه گه باسیم قیلیب ترور تشکیلاتی نینگ تاثیرینی کمه یتیریش گه اورنر ایکن بیر تاماندن ایسه اوروش خطلریده ترور منسوبلریگه قرشی کوره شیب میت نینگ تاثیرلی نقطه عملیاتلری و سیها عملیاتلری آرقه لی ترور تشکیلاتی نینگ اوزیچه ییتکچی کدرینی تاثیرسیز وضعیت گه کیلتیرماقده.

تورکیه ینه ترور حاکمیتیده یشش گه مجبور بولیب قالگن کرد و عربلر بیلن علاقه ایچیده بولیب اولرنی ترور تشکیلاتی گه قرشی قوریقلش و یول کورستیش اورونیشیده دیر.

تورکیه مقیاسیده ترور تشکیلاتی کمه ییب قالگن وضعیتده. عراقده تاثیرلی حربی عملیاتلر آرقه لی ترور تشکیلاتی تار بیر ساحه گه قیسیلیب قالرکن سوریه مقیاسیده ایسه امریکا قوشمه ایالتلری قوریقچیلیگی آستیده موجودیتی گه دوام ایتماقده. بیراق تورکیه بونی بیلیب سوریه ساحه سینی هم ترور تشکیلاتی اوچون بیر خوفسیز منطقه ایمس ایکن لیگینی کورستیب بو جایده گی موجودیتینی قتّیق شکلده آماج قرار بیرماقده.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.