تورکیه - اروپا بیرلیگی مناسبتی بوییچه بیر تحلیلی یازوو
تحلیل و تیکشیروو
سونگگی هفته لرده تورکیه بیلن اروپا بیرلیگی اورته سیده یوز بیرگن بحران مناسبتلری نینگ کیله جگی توغریسیده جدی خواطرلر یوزه گه چیقیشی گه سبب بولدی.
خوفسیزلیک بوییچه تیکشیرووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله قیله‌میز .
بحرانگه سبب بولگن انچه ینگی لیک بار. بولرنینگ باشیده تورکیه تعقیب ایتگن تشقی سیاست یانداشووی کیله دی. لیبیا قاله ویرسه شرقی اورته ییر دینگیزی و سوریه ده تورکیه نینگ تشقی سیاست یانداشووی اروپاده انچه اکتورنی راحتسیز قیلگن. اینیقسه لیبیا و شرقی اورته ییر دینگیزی موضوعی بوییچه تورکیه بیلن اروپا اورته سیده گی بحران جدی سویه گه باردی.
تورکیه بیراقلی خصوصی بیر تجارت کیمه سیگه خلق ارا قانوننی پایمال قیلیب باسقین اویوشتیریلیشی مناسبتلرنینگ کیلگن سونگگی نقطه نی نمایان قیلماقده. آلیب بایرلگن عملیات نینگ اصول سیزلیگی و قانونسیزلیگی قاله ویرسه اروپا بیرلیگی نینگ تورکیه گه قرشی کورستگن یانداشووی اوندن هم یمانراق. اروپا بیرلیگی گه کوره تورکه منطقه ده هردایم معما یراتگن بیر اکتور. تورکیه نینگ اوزینی اروپا نینگ بیر پارچه سی اوله راق کورگن لیگینی بیلدیرگن حالده بونقه بیر یانداشوونینگ عملی قیلینیشی تورکیه اوچون هم انچه سوال گه سبب بولماقده. ایندی ایسه قولاقلر اروپا بیرلیگی رهبرلر جلسه سیگه ماسلنیب قالگن وضعیتده دیر.
تورکیه گه قره ته کوز قره شیده قسماً شریکلیک یان داشووی بولسه هم اروپا بیرلیگی انقره گه قره ته قنداغ بیر سیاست تعقیب ایتیشی کیره ک لیگی توغریسیده عملی بیر کیلیشوو موجود ایمس. فرانسه، یونان، جنوبی قبرس رومی باشقرووی کبی اکتورلر تورکیه مخالفی جبهه نینگ آلدینگی قطاریده تورگنلر دیر. آتن باشقرووی تورکیه نینگ اورته ییر دینگیزده اونگه قرشی تعقیب ایتگن سیاست نی تینگلشتیریش اوچون اروپا بیرلیگی گه تورکیه گه چیکلاو عملی قیلیشی بوییچه چقیریق قیلماقده.
فرانسه نینگ اروپا بیرلیگی ایچیده دوستی بولمه گن لیگی انیق. مکرون اوچون تورکیه کتته معما اوله راق اتلماقده. لیبادن سوریه گچه برچه تشقی پولیتیک مسئله لرده مکرون انقره نی رقیب اوله راق کورماقده. تورکیه گه قرشی جبهه نینگ اروپا بیرلیگی یانداشووینی تورکیه گه قرشی تعیین قیلیش گه امکانیتی یوق. شونده ی بولیب آلمان قاله ویرسه اسپانیا، پورتگال، ایتالیا و مالته کبی اولکه لر تورکیه نی بوتونله ی قولدن بیریش طرفداری ایمس. تورکیه اولر اوچون نه فقط اقتصادی شریک، عین دمده اروپا امنیتی اوچون هم کیره کلی و منطقوی کوچ دیر. اینیقسه آلمان نینگ ناقانونی کوچ گه قرشیسیده گی یانداشوویده تورکیه مهم بیر اورین گه ایگه. اروپا بیرلیگی نینگ جوده کتته مسئله لری آره سیده تورکیه گه قرشی چیکلاو قراری آلیشی نینگ مادی کلفتی نی بجا کیلتیریش توغریسیده اینیقسه آلمان خواهله مه یدی. بنا تورکیه نی قولدن بیرووچی قتّیق چیکلاو قراری قبول قیلیب آلیش ممکن کوریلمه یدی. شونده ی بولیب تورکیه گه یوقاریدن آگاهلنتیروو چیقیشی ممکن. بو آگاهلنتیروونینگ اساسن شرقی اورته ییر دینگیزی مسئله سی بولیشی کوتیلماقده.
بو معمالرگه قره مه ی تورکیه اروپا بیرلیگی گه دیالوگ چقیریغی قیلماقده. جمهور باشلیغی ایردوغان مسئله لرنی دیپلوماسی و مذاکره آرقه لی گپیریش طرفداری ایکن لیگینی بیلدیردی. ایردوغان نینگ مسئله لرگه صفرنینگ اورنیده ایککی تامان نینگ قازانیشی یانداشووی دایره سیده گی چقیریغی دیپلوماسی گه اولویت بیرگن بیر یول کورسته دی اروپا بیرلیگی گه. بونینگ اوچون منطقوی بیر کنفرانس تکلیف قیلماقده. بیراق اروپا بیرلیگی بو توغریده مثبت جواب بیرگن ایمس.
اروپا بیرلیگی اوزی ایچیده تارتیشوو ایچیده بولگن بیر پیتده تورکیه نینگ قنداغ بحث بوله جگی مهم. تورکیه بولمه گن بیر اروپانینگ خلق ارا مناسبتلری اکتوری بولیشی ممکن ایمس. بوندن هم مهمراغی تورکیه دشمن ایتیب اعلان قیلینگن بیر فضاده اروپا بیرلیگی نینگ منطقوی اولچکده سیاست یراتیشی ممکن ایمس. بناً اروپا بیرلیگی نینگ تورکیه تیکشیروونی قیته دن تیکشیریب چیقیشی و ینگی بیر مناسبت شکلی بنا قیلیشی شرط. یونان ویا جنوبی قبرس روم باشقرووی گه حبس بولیب قالگن بیر اروپا بیرلیگی ستراتیژیسی نینگ تورکیه نی بیلگیلب آلیشی ممکن کوریلمه یدی.
خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.
